مى سليم تطرح أغنيتها الجديدة «يابنتي» على يوتيوب.. (فيديو)
طرحت الفنانة والمطربة مى سليم أغنيتها الجديدة بعنوان "يابنتي"، وذلك عبر قناتها الرسمية على موقع الفيديوهات "يويتوب".
أغنية "يابنتي" من كلمات الشاعر محمود عبدالله، وتلحين محمدي، والتوزيع الموسيقي لأحمد أمين، جيتار أحمد حسين، وميكس ماستر محمد جودة.
كلمات أغنية يابنتي لـ مى سليم
تقول كلمات الأغنية: "عدت الأيام يا بنتي والليلة دي الكل شافك وسط فرحه كبيره وانتي قاعده لابسه توب زفافك أيوه رايحه لدنيا تانيه لسه فيها هتبتدي بس قلبي هيبقي عندك مهما عني تبعدي كنت وأنا بلعب معاكي بدعي وفي حضنك بَضُم إني أشوفك يوم عروسه زي حلم أي أُم وادي أحلامي ودُعايا شوفتهم بعينيا آهُم".
وتقول أيضًا: "فهّميني كبرتي إمتي لأ وقلبك داب وحب ياللي لسه ما جاش في عمري أغلي منك أو أحَب ربنا يهنيكي دايمًا باللي تتمنيه يا رب، نمسك الخشب النهارده هو فيه حد في جمالك لأ وبكره الفرحه تكمل وبإيديا أشيل عيالك بالسلامه وبادعي ليكي طول حياتك تكسبي عايزه اوصي كمان حبيبك شيلها ف عينيك والنبي".
