«حتى لو غلط فيا بحبه».. رد عمر كمال على تصريحات محمد فؤاد «فيديو»
حرص المطرب عمر كمال، أن يرد على تصريحات النجم الكبير محمد فؤاد الأخيرة عنه، بعد الجدل الذي أثير حول تصريحاته.
رد عمر كمال على تصريحات محمد فؤاد
وقال عمر كمال في إحدى لقائاته: "يا جماعة أستاذ محمد فؤاد، الناس فهمته غلط، الرجل بيمدحني الناس إفتكرته بيغلط فيا، المذيع بيسأله هل أنت احتضنت عمر كمال، فالرجل مش عايز ينسب فضل ليس له".
وتابع: "محمد فؤاد لو حتى غلط فيا وده عمره ما يحصل برده بحبه ولو مدح فيا بحبه، يكفيني شرفا مش أنا بس ده كل مصر حبت على أغانيه وحزنت على أغانيه، وشاركنا في كل حياتنا، يكفيني شرفا إن في يوم من الأيام وقفت غنيت أغنية حلوة أعجبت الناس، خدت مقابل الأوردر ده فلوس على حس أغانيه، ربنا جعله سبب في رزق".
واستكمل: "أستاذ محمد فؤاد قيمة كبيرة جدا، وهو يقول اللي هو عايزه، وأنا وضحت، وفؤاد يقول اللي هو عايزه"
وكان النجم محمد فؤاد، قال في تصريحاته: "عمر كمال طلع سلم على المسرح فتمام جميل، أنما انا قولت إني لم أحتضنه بمعنى إنني لم أقدمه أو اكتشفته فنيا، ولكن عمر كمال من جمهوري يعني من الناس الحلوة بتاعتنا".
