يسرا: السوشيال ميديا سلاح لإهانة الآخر وهدمه

حلت الفنانة الكبيرة يسرا ضيفة على برنامج "تلت التلاتة" مع المذيعة إيناس الشواف والمذاع عبر راديو انرجي وتحدثت عن العديد من الموضوعات وعلاقتها بوالدتها.

الطريق يطرح لكم أبرز تصريحات يسرا:

- إحنا اللي بنعطي فرصة للسوشيال ميديا تدخل لحد فين، وأنا محددة تعاملي فيها لأنها أصبحت سلاح لإهانة الآخر وهدمه.

- الشغلانة بتاعتنا صعبة جدا مش بنقوم وننام في حرير بس جماله إنك بتعلم الدنيا من خلاله.

- تعلمت محكمش على الناس إلا بعد فترة.

- وأصعب تجربة مريت بيها كانت وفاة أمي.

- أمي صاحبة الفضل الأول والأخير عليا.

- أول حد أثر فيا أمي علمتني طباع كثير حلوة وفي زعلها كانت تأخر السماح عشان تعلمنا أن الغلط ميتكررش.

- كنت بحترم مدرسييني جدا والناظرة بتاعتي كنت بترعب منها بس بحترمها ومرة قابلتها بعد ما اشتهرت روحت بوست أيدها لأن هي اللي ربتني وكانت بتبصلي بفخر كبير.

- التاريخ أثر فيا مش بشخصياته ولكن بقصصه لأنه يعيد نفسه من مشكلات ونجاحات وخيانة وحب ووفاء... كل المعاني نفسها بس بشكل مختلف لأن لكل وقت طريقة التعامل المناسبة.

- بتقدم الشخصية الشريرة عشان تتحاشوا ده وتعلمك تكون أحسن.

مسلسل 1000 حمد الله ع السلامة

تشارك الفنانة يسرا في السباق الرمضاني 2023 بمسلسل "1000 حمد الله ع السلامة" بطولة يسرا، مايان السيد وشيماء سيف ومحمد ثروت وآدم الشرقاوي ومؤدي المهرجانات عنبة، والعديد من نجوم الفن.