أحمد العوضي: «شخصية الصعيدي كان تحدي وهكرر التجربة تاني مع ياسمين عبد العزيز»

تحدث الفنان أحمد العوضي عن تقديمه لدور جابر الصعيدي في مسلسل "ضرب نار"، مؤكدًا أن هذا الدور كان بمثابة تحدي كبير له.

قال أحمد العوضي في تصريحات لبرنامج كأس إنرجي للدراما على راديو إنرجي: "تحدي كبير إنك تعمل دور صعيدي، لإنك لازم تقدم حاجة مختلفة عن اللي اتقدم قبل كده في أعمال تانية، وكمان لازم تعمل حاجة قريبة من الطريقة واللهجة الصعيدية".

أحمد العوضي عن مشهد وفاة والدته في ضرب نار

وأضاف العوضي: "وقت التصوير كان فيه كيميا بيني وبين الفنانة سهير المرشدي وكنت بتعامل معاها على إنها والدتي التانية، وأنا بحبها جدًا عشان كده مشهد الوفاة خرج بالشكل اللي أثر في الجمهور"، أما عن تعامله مع صقر، تابع: "اتدربت عليه تقريبًا شهرين قبل التصوير".

أحمد العوضي: هكرر التعاون تاني مع ياسمين عبد العزيز

وعن تعاونه مع زوجتة الفنانة ياسمين عبد العزيز للمرة الثالثة، قال العوضي: "الشغل مع ياسمين ممتع ومريح وفيه بينا كيميا حلوة، وهنكرر التجربة تاني إن شاء الله لكن مش دلوقتي".

مسلسل ضرب نار

مسلسل "ضرب نار" بطولة الفنانة ياسمين عبد العزيز، أحمد العوضي، هدى الأتربي، سهير المرشدي، إيمان السيد، ماجد المصري، أحمد عبد الله محمود، تامر نبيل، انتصار، مها نصار، وغيرهم من الفنانين.