اعتداء وزواج عرفي.. تفاصيل جديدة في مقتل مسن على يد زوجته بروض الفرج
تفاصيل جديدة في قضية مقتل مسن على يد زوجته بمعاونة صديقها فى روض الفرج، حيث أقرت بوجود اتفاق فيما بينها والمتهمين على تقديم مشروبات تحوي عقاقير مضادة للاكتئاب ومهدئة ومنومة للمجني عليه، ومساعدته على احتسائها.
اعترفت المتهمة بقتل زوجها في القضية التي حملت رقم 3869 لسنة 2022 أمام رجال التحقيق، وقالت: أنا اتولدت في روض الفرج وأمي الله يرحمها هي اللي ربتني، لأن أبويا طلقها وهي حامل فيا، وأمي مرضيتش تتجوز وكبرتني لحد ما دخلت كلية تجارة جامعة حلوان، وماتت يوم 2 أبريل 2021، ومن بعدها مبقاش ليا حد في الدنيا".
وتضيف"جارنا اللي في البيت اللي قدامنا اللي اسمه أحمد ك، مهتم بيا وكان بيسأل عليا على طول، وساعات كان بيدينى فلوس وأنا أقبل غصب عني علشان مصاريف كتير علشان الجامعة"
وتابعت المتهمة بقتل زوجها بروض الفرج في اعترافاتها أمام جهات التحقيق: اشتغلت منظفة في البيوت لحد ما قابلت شاب معرفش غير إن اسمه أحمد وشغال بتاع صابون، قالي ان فيه راجل مسن اسمه سيد.ع، محتاج واحدة تجيله يوميًا تنضف البيت، وروحت لبيت سيد واشتغلت عنده وكان في البداية محترم معايا، لكن بعد كده لاحظت إنه بيفكر فيا بطريقة شمال، لحد ما وصل للي هو عايزه و أقام علاقة جنسية معايا و افقدني عذريتي، وفضلت اضغط عليه لحد ما كتب على ورقة عرفي".
وأقرت المتهمة بقتل زوجها أمام رجال التحقيق: "أنا طبعا كنت حكيت لأحمد كامل عن اللي حصل معايا وإني هتجوز سيد عرفي وشهد على العقد هو وعلي ولقيت علي بيقولى انا جايب عصير للحج سيد، وحطيت فيه فياجرا وانتى لازم تشرّبيه العصير عشان أنا متفق مع أحمد كامل ومالكيش دعوة أنتي بأي حاجة، فانا بصيت وقتها لأحمد كامل على أساس إن إزاي أعمل كده مع جوزي سيد العجمي، لقيته بيقولي اسمعي الكلام أحسن أفضحك عند أخوالك وأقول لهم إن فيه راجل كبير أفقدك عذريتك واتجوزك عرفي فسمعت كلامه هو وعلي".
واختتمت الزوجة: "كانوا يجبرون أشرّبه لأن الاتنين كانوا يهددوني أنهم شوهوا وشي بمياه نار، ويفضحون عند أهلي وأنا حكيت لقرايب الحاج سيد عن جزء من الحقيقة، بس مقولتش حاجة عن أحمد كامل لأني كنت بعتبره المتكفل بها ويراعيني علشان كنت خايفة بسبب التهديدات".
اقرأ أيضاً:سقوط تشكيل عصابي يدير ورشة لإصلاح وتعديل الأسلحة بالشرقية
