«ضرب جعفر مكنش مترتب ومحمد رمضان وش الخير عليا».. أبرز تصريحات أحمد فهيم على الراديو 9090
حل الفنان أحمد فهيم ضيفًا في برنامج "الراديو بيضحك" مع الإعلامية فاطمة مصطفى على راديو 9090، وتحدث فهيم خلال الحلقة عن كواليس تقديمه شخصية سيد في مسلسل جعفر العمدة وعن علاقته بالفنان الراحل خالد صالح.
وفي السطور التالية نرصد لكم أبرز تصريحات أحمد فهيم خلال الحلقة.
- مشهد ضرب محمد رمضان في الخناقة مكنش متفق عليه.
- الخناقة دي أنا كنت بعملها وأنا عندي مزق في الخلفية ورجلى كانت بايظة وبان إني كنت بعرج.
- أول مشهد صورته لما رحت لخالي فتوح البيت وضربت وداد بالقلم.
- يارب أكون سبب في دعوات الجمهور لخالد صالح ومكنتش بحب أقول إني قريبه وده شرف ليا.
- أى عمل مع محمد سامي ببقى متوقع ليه النجاح.
- كنت متوقع النجاح بس مش للدرجة دي كنت فاكر إنه هينجح زى البرنس مثلًا.
- محمد سامي بيعمل بروفة قبل كل مشهد، ومشهد الستات لما كنت بتريق عليهم مكنش ليا فيه كلام.
- مشهد زيارة قبر أبويا كان أخر مشهد صورته، وكان مؤثر جدًا وافتكرت أبويا وخالي وأخويا وكنت بكلمهم.
- هالة صدقي عظيمة حتى لو متكلمتش في المشهد بتخلي اللي قدامها يمثل.
- كل ما بشوف مشهدي مع هالة صدقي لما كانت بتقولى انشف، أعيط وبتأثر جدًا.
- مشهد ضرب أحمد داش كان صعب جدًا، وداش عشان رياضي كان بيتحرك بسرعة.
- عصام السقا مجتهد جدًا وطموح وملتزم وعمل الدور حلو جدًا، ومكنتش أعرفه قبل المسلسل.
- محمد رمضان متميز وموهوب من زمان وبيكافح وعايز يوصل وبيحب زمايله وفخور بيه ووش الخير عليا.
- سر نجاح المسلسل التحضير والتركيز والجهد المبذول ومحمد سامي مجتهد جدًا.
- كان ليا الشرف أشتغل مع شركة العدل جروب وكل فريق عمل مسلسل عملة نادرة.
- كنا بنصور في مكان صعب جدًا وظروف التصوير كانت صعبة، واتعلمت من كمال أبو ريا كتير.
- لحد دلوقتي الناس بتكلمني على عملة نادرة والحمد لله الشخصية مختلفة عن سيد العمدة تمامًا.
- فيلم ابن الحاج أحمد اتعرض بعد جعفر العمدة والناس كانت بتهيص في السينما لما بظهر.
اقرأ أيضًا: 120 ألف جنيهًا.. أسعار تذاكر وتفاصيل حفل رامي صبري في الكويت
