منى زكي عن تغيير قصة مسلسلها بسبب روجينا.. «قولنا عيب»

تحدثت الفنانة منى زكي عن تغيير قصة مسلسلها في رمضان الماضي 2023 بعد علمها بتقديم الفنانة روجينا لنفس القصة، مشيرة إلى أنها كانت ليس لديها الوقت الكافي لمذاكرة مسلسلها "تحت الوصاية"، الذي حقق نجاحًا كبيرًا وقت عرضه في شهر رمضان، وذلك من خلال استضافتها في برنامج sold out على منصة watch it.

وقالت منى زكي عن تغيير قصة مسلسلها: "مكنش عندي وقت طويل عشان أذاكر مسلسل تحت الوصاية لإني كنت بعمل مشروع تاني وبحضرله، وكان مطلوب مني أكون راجل وكان مستوحى من قصة الحاجة صيصا ولكن مش قصتها، وكنا بندور على ماكيير من بره عشان أغير شكلي".

اقرأ أيضًا: قنوات نقل مراسم حفل زفاف ولي العهد الأردني

منى زكي عن تغيير قصة مسلسلها: لما عرفنا إن روجينا بتعملها قولنا عيب

وأضافت: "لكن لما عرفنا إن روجينا بدأت في نفس المشروع من قبلنا قولنا عيب لازم نغير وفعلًا غيرناها وكانت تقريبًا نفس الحدوتة، بس مخلينهاش راجل سيبناها زى ما هى وقولنا إن الست مش محتاجة تتخفى عشان نبين إنها قوية".

وتابعت منى: "الست صيصا هى ست بسيطة جدًا جوزها توفى وكان عندها أولاد وعشان تعترف تشتغل شغلانة صعبة من غير ما حد يضايقها ولا يبصلها قررت تلبس لبس الرجالة، وعاشت سنين من غير ما حد يعرف إنها راجل والرئيس كرمها عشان يبين إننا بنحترم الست القوية".

اقرأ أيضًا: على صوت أنغام.. إلهام شاهين تهنئ هالة صدقي بعيد ميلادها (فيديو)