أحمد غزى عن مسلسل ضرب نار: «ياسمين عبد العزيز رشحتني واستعديت للدور بهذه الطريقة»

كشف الفنان أحمد غزى عن كواليس استعداده لدور "طارق" في مسلسل "ضرب نار"، مؤكدًا أن الفنانة ياسمين عبد العزيز هى من رشحته لهذا الدور، وذلك من خلال لقاءه في برنامج "الستات ما يعرفوش يكذبوا".

قال أحمد غزى: "ياسمين عبد العزيز شافت أدوار ليا السنة اللي فاتت ورشحتني للدور ده، وكان أصعب حاجة عليا في الدور ده هو ازاى أقدمه بطريقة الناس تصدقها وفي نفس الوقت أنا ممرتش بتجربة الإدمان دي قبل كده وده كان مرعب بالنسبالي ومسئولية كبيرة".

أحمد غزى عن دوره في ضرب نار

وأضاف أحمد غزى: "إحنا كنا بنناقش موضوع منتشر تقريبًا في العالم كله واتفرجت على أفلام وثائقية كتيرة جدًا بتشرح الحالة اللي بيمر بيها الإنسان في الفترة دي، والإدمان مش بس مخدرات ممكن قهوة وسوشيال ميديا وكده، والمخرج والمؤلف وضحولي حاجات كتير مكنش عارفها، ولكنها في الأول والآخر مسئولية الممثل إزاى يقدر يقدم الدور والناس تصدقه".

اقرأ أيضًا: ميريهان حسين تفاجئ جمهورها: «مكنتش أقصد اعتزل وكان عندي إحباط».. فيديو