بعد 160 يومًا.. أحمد ثروت يستجيب للعلاج ويقف على قدمه باكيًا (فيديو)

بدأ المطرب والمخرج أحمد ثروت نجل الفنان محمد ثروت في التحسن والاستجابة للعلاج بعد مرور 160 يومًا من إصابته بمتلازمة ميلر فيشر، ونشر فيديو وهو يبكي عندما استطاع الوقوف على قدمه.

كتب أحمد ثروت على الفيديو الذي نشره عبر صفحته على "انستجرام": "الحمد لله بكرم من ربنا وبفضل دعواتكم انهاردة وبعد ١٦٠ يوم صراع مع متلازمة ميلر فيشر، نجحت إني أقف تاني علي رجلي بعد عشرات الأسابيع ومئات المحاولات، اتعلمت كتير من اختبار ربنا ليا، واتعلمت الرضا وان ستر ربنا علينا فوق كل شيء".

تعافي نجل أحمد ثروت من المرض

وأضاف: "مدي تحملك بيجي معاه كرمه فالآخر وانه مش هيخذلك طول ما انت مسلم أمرك وإن عادي ممكن ابتدي تاني كل حاجة من الأول وإن لسه في أمل طول ما في حياة، ربنا ألهمني في أول الإصابة إني أوثق الاختبار دة من أول لحد دلوقتي، وده عشان لما اقوم إن شاء الله أتمنى أكون سبب ف التوعيه لهذه الأمراض النادرة، وتتعامل معاها ازاى لو حد قريب منك تعبان، لأن جزء كبير من التعافي هو الحالة النفسية للمصاب".

وتابع أحمد ثروت: "الكرم الي ربنا كرمني بيه ده نورلي حاجات كتيرة، خلاني أقعد مع نفسي أقيمها وعرفني قيمة نعمة نعمة هو مديهالي زي دخول الحمام لوحدي والأكل والمشى، واللي أغلب الناس ماتعرفوش إني فقدت بصري لأسابيع ف عيني اليسري وفقدت القدرة علي التحكم فالكلام لأكثر من شهر".

اقرأ أيضًا: نور محمود يتحدث عن دعم زوجته وسبب طرده من مجال العقارات.. (فيديو)