رسالة قاسية من محمد رضا بوبو بعد رحيله عن فيوتشر والانضمام لـ بيراميدز

وجه محمد رضا بوبو، لاعب نادي فيوتشر السابق وبيراميدز الحالي، رسالة قاسية إلى فريقه السابق، بسبب مستحقاته المتأخرة لدى إدارة نادي فيوتشر.

ونشر محمد رضا بوبو، رسالة عبر حسابه الرسمي على موقع التواصل الاجتماعي "فيس بوك": "خلاص مبقتش قادر أصبر أكتر من كده بصراحة حته لو العواقب كتير ولو هيحصل أي المهم أهدي النار اللى جوايا شويه عشان أكون حته ارتحت من جوايا وكده كده ربنا موجود وهيجبلي حقي".

وأضاف لاعب فيوتشر السابق، قائلًا: "أولًا.. أنا كنت خلصت وجالي اتصال تعالى ضروري النادي عشان تمضي الاستغناء بتاعك عشان خلاص، أنت مشيت قولت حاضر وركبت عربيتى وطلعت علي النادي".

وأوضح: "الساعه 11 مساءًا الناس قبلتنى في النادي وقالولي عامل ايه يا رضا، عايزينك تمضي ورقتين ورقة مخالصة والاستغناء، قولتلهم الاستغناء حاضر همضي مفيش مشكله أمال أيه اللي يخليني امضي مخلصه وأنا ليا 4 مليون و200 ألف جنيه".

وأكمل: "في واحد لا داعي لذكر اسمه لأنه ده ميعرفش ربنا طبعا قعد يكلمني، ولازم تمضي ولازم تمضي أقوله إزاي ياكابتن امضي مخالصة، وأنا ليا فلوس قولت مش همضي ومشيت ومضيت علي الاستغناء جالي اتصال أمضي وأنت فلوسك عندي ومتقلقش أمضي وأنت وزملائك، اللي ماشييين هنيجي ونسلم عليكم وتاخدو الشيك بالدولار زي باقي الفرقة ونشكركم أكيد يعني قال اه أمضى بس اتفقت مع الاتنين اللي كانو معايا عشان كنا متفقين أننا هنعمل كل حاجه بالاتفاق مع بعض فاقالو هنضمي كلنا ونروح الثلاثاء ناخد الفلوس مضينا علي الورقة".

أقرأ ايضًا: تفاصيل جديدة في العروض المقدمة إلى أحمد قندوسي لرحيله عن الأهلي

وتابع: "مكناش مدين أي خوانه لحاجه جه يوم الثلاثاء، لقينا اللعيبه كلها صحبنا اللى في الفرقه طلعلهم فلوس وكل واحد شيك ماعدا، أحنا الثلاثة والتلاتة المعاريين اللى مشيو من النادي اتصلت بالشخص ده قولتلوً الشيك بتاعنا امتى قالي بليل في ناس الصبح وفي ناس بليل، وأنت بالليل قولتلوً ماشي جه بليل كلمتو قالي الصبح فضلت علي الحال ده كل يوم يوم يقولنا الثلاثاء الجاي ييجي الثلاثاء يقول الأسبوع الجاي ييجي الأسبوع الجاي يتقال بكرا كمان يومين علي الحال ده في حد مشكور طبعا بدون ذكر اسمو قالي أنا بحبك وأنت أخويا الصغير".

وأردف: "لو أنت مفكر أنك طلعلك فلوس يبقا بتحلم مصدقتيش وقولت لا أكيد الفلوس هتطلع الناس كلموني وقالولنا الفلوس عندنا وانا مصدقهم ومعايا بس من الواضح أن مفيش فلوس جايه ولا أي حاجه علي العموم حسبي الله ونعم الوكيل، في كل واحد أكل حقي وتعبي اللى شقيت فيه سنتين تعبت وسفر هنا ولعبنا إفريقيا وخدنا بطولة وطلعنا مركز رابع سنتين، يعني الحمد الله مقصرتيش في حاجه بس فكرت أن حد ياكل حقك في دي صعبة عليا أوي وأنا زعلان لأن مشفتش التقدير أنا".

وأتم محمد رضا بوبو، قائلًا: "اتبعت أنا وصحابي وحلينا أزمة للنادي برقم كبير يعني أنا ممشيتش ببلاش ولا مكنتش بلعب ولا مكنتش مساهم في ده كله عشان تأكل حقي بلطريقه دي أنا عارف الكلام ده هيضايق ناس بس دي الحقيقة أنا ليا حق وعلي حق وأنا عمري ماكنت بخاف من أي حاجه، بس اذاي بتعرف تنام تحط دماغك علي المخده وأنت أكل حق وشقي واحد طلع عيونو عشان يجمع رقم ذي ده وأنت عايز تأكلو عليه بكل سهولة كده أنا مكلمتيش حد من الصحافييين صحابي واللي اعرفهم أنهم ينزل الكلام علي لساني، أنا حقي عند ربنا وربنا هيجبهولي أضعاف وأنا متأكد لأني مقصرتيش في حاجه وربنا يعلم كده أنا من جوايا ارتحت".