عمرو سلامة: «مقدرش أقعد شهر سينجل وجملة تسببت في طلاقي»

كشف المخرج عمرو سلامة عن تفاصيل طلاقه الأول وعلاقته بزوجته الحالية، مشيرًا إلى أبرز العيوب في شخصيته والجملة التي شجعته على أخذ قرار الانفصال، إلى جانب حديثه عن عمله في تصميم الجزم لفترة في حياته بعدما فقد الأمل في الاستمرار كمخرج.

كشف عمرو سلامة خلال لقاءه في برنامج "The you in human" عن سبب طلاقه، قائلًا: "علاقتي بزوجتي كانت كويسة جدًا وعمرنا ما اتخانقنا، ولكن في مرة سألتها لو كنتي قابلتيني من 7 سنين بنفس شخصيتي دلوقتي كنتي برضو هتتجوزيني، قالت لا، ساعتها عرفت إني مبقتش مناسب لاحتياجاتها، كان لسه فيه مشاعر بس خلاص مش هينفع لإني اتغيرت".

عمرو سلامة: جملة شجعتني على الطلاق

وأضاف عمرو سلامة: "فيه جملة شجعتني على الطلاق بتقول السعادة على بعد 10 دقايق من مواجهة دمها تقيل، يعني هتدخل مواجهة تقول فيها كلام من قلبك في عشر دقايق بشكل ملائم، وممكن توصل للسعادة وحل المشكلة، احنا بنفكر إن الوقت ده ممكن يفتح حاجات تانية كتير مش عايزينها لكن الحقيقة هو بيصلح كل حاجة".

وعن الفرق بين زواجه الأول والثاني، أضاف: "الفرق بين الجوازة الأولى والتانية إني في الأول مكنتش بتخانق خالص ومش بقول أى حاجة مضيقاني، لكن دلوقتي برضو مش بتخانق لكن أى حاجة بتضايقني بتكلم فيها مع شريكة حياتي"، وعن عيوبه، قال: "من أكتر العيوب اللي فيا إني مش بتخانق حتى في الشغل".

تصريحات عمرو سلامة

وعن علاقاته، قال عمرو سلامة: "قعدت 20 سنة قبل الجواز مكنش فيهم شهر واحد سينجل، لإني لو مش في علاقة بحس إني لا شئ، وكنت بقول على البيت الفاضي زى القبر، وكنت بخاف أبقى لوحدي، وساعات كنت بقعد في العربية ساعة بعد ما اركن أسمع أغاني عشان مش عايز أدخل البيت وهو فاضي".

عمل عمرو سلامة في الجزم

واختتم كلامه قائلًا: "في لحظة قررت أبطل فن وهبطل إخراج، كنت في مرحلة انهيار كامل بعد تجربة فيلم مش ناجح، وقتها فكرت إني بحب الجزم بشكل مرضي ممكن أجيب 3 جزم كل أسبوع، ودايمًا بقول لو مجبتش جزم كان زماني عندي عمارتين، قولت هشتغل في تصميم الجزم، وكانت من أحسن وأسعد تجارب حياتي".

اقرأ أيضًا: أحمر شفاة وراء دخول كريمان الفن.. ولهذا السبب اعتزلت