نفسي أنام.. سلمى صباحي تكشف تطورات حالتها الصحية عقب جراحة في المخ

كشفت الفنانة والإعلامية سلمى صباحي تطورات حالتها الصحية، بعدما خضعت لجراحة دقيقة في المخ، يوم 27 أغسطس الماضي، مؤكدة أنها لا تستطيع النوم منذ 20 يوم، حيث وجهت نصيحة للأمهات بالإعتناء بنفسها ويجب عليهم اجراء الفحوصات الطبية بإستمرار للإطمئنان على صحتهم.

سلمى صباحي تكشف تطورات حالتها الصحية

وكتبت سلمى صباحي عبر حسابها الرسمي بموقع التواصل الاجتماعي فيسبوك: النهارده فات ٢٠ يوم ع العملية.. ومش عارفه أنام ساعة على بعضها.. ماهو لما دماغك تتفتح و يتحط فيها جسم غريب متوصل بأنبوب لحد بطنك و يبقى عندك غرز في دماغك و في بطنك يبقى طبيعي ماتعرفش تنام.. لا تعرف تحط راسك على مخده ولا حتى تنام على جنبك".

سلمى صباحي توجه رسالة للأمهات

كما وجهت سلمى صباحي نصيحة للأمهات قائلة: وأضافت سلمى صباحي: أنا غلطت في حق نفسي و دي رساله لكل أم.. ركزي مع نفسك خلي بالك من نفسك ماتطنشيش نفسك.. اول ما تحسي بتعب اكشفي من فضلك و اتطمني.. مش لازم تفضلي تستحملي لحد ما تقعي.. و متخليش حاجه تعصبك عشان آخرة العصبيه خطر كبير عليكي ،، انا باوجه كلامي هنا للأمهات بالذات عشان احنا كلنا زي بعض.

وأضافت: الفتره دي خلتني اعيد تفكير في طريقتي و احاول اني اكون أهدى و اخلي بالي من نفسي عشان اكون قادره اخلي بالي من ولادي.. كمان بصيت على النعم اللي ربنا ادهالي طول حياتي و أيقنت ان الابتلاء دايما ربنا بيدي معاه الصبر و التحمل.. ربنا عارف انا اقدر احتمل ايه و مقدرش احتمل ايه .. الحمدلله الحمدالله الحمدالله على نعمك الكتير يا رب.. انا بس نفسي انام.

اقرأ أيضًا:

إعلامية شهيرة تخضع لعملـية جراحــية في المخ اليوم.. من هــي؟