يوميات عم بشندي في حب مصر

العوافي عليكم.. الواد بشندي أبو لسان زالف داير في الناحية، وماسك في إيده فردة بولغة قديمة، قوم لمحته البت فتكات «أم حس مسرسع»، وقالتله إيه اللي أنت ماسكه ده يا «ابن بهانة»، تكونش فاكر إن مداسك القديم ممكن حد يشتريه منك، قوم الوله معجبوش الكلام وقام زغرلها زغرة، وقايلها يا متعلمة يا بتاعة المدارس إنتي فاكراني رايح أبيعه، المداس ده تراث لإني ضربت بيه الإخوان وبتوع 6 إبليس وأشكالهم على دماغهم قبل كده، ومستنيكي في الساحة اللي قدام الجورن إنتي وبنت أبو سماعين والألاضيش بشورتاتهم وكل اللي ناوي يحصلكوا من المقاطيع والصيع عشان أنقرزكم على جتتكوا المعفنة ياولاد الرفضي.

قوم البت ازبهلت تقولشي نزل عليها أبو السوكيت يكشي تروح فيها وتريحنا من غباوتها، وعلى ما البت فتكات «أم حس مسرسع» ترجع من حالة الازبهلال اللي هي فيها، نطلع فاصل ونرجعلكم تاني زي ما بيقولوا بتوع الإعلام إياهم بس فاصلنا من غير إعلانات يعنى حاجة ببلاش كده.

ويجعله عامر.. انتظرونا