الرئيس السيسي: مفيش حاجة اسمها «عسكرة»
أكّد الرئيس عبد الفتاح السيسي، أنّ الدولة المصرية الدولة تنفذ مشروعات للتدريب والتأهيل في الأكاديمية العسكرية المصرية، من ضمن الفئات التي تتلقى تدريبات مكثفة المعلمين المرشحين للتعاقد مع وزارة التربية والتعليم، وذلك من أجل إعداد معلم قادر على الإنتاج.
وأضاف الرئيس السيسي، خلال كلمته في جلسة "بناء الإنسان" ضمن فعاليات يوم تميز الجامعات المصرية: "تم تأهيل ألف مدير وقولت للدكتور رضا حجازي وزير التعليم أن الألف دول هيكونوا قيادات للمدراس يكون معهم معلمين مميزين علشان تكون الفكرة على بعضها قابلة للتميز وليس النجاح فقط".
وتابع: "بنحاول نحسن أكثر ونطور أكثر في ظل موارد أنها مش موجودة زي ما قال الدكتور رضا حجازي والدكتور أيمن عاشور.. لازم تختار كويس وتدرب كويس وتأهل كويس.. التأهيل والتدريب عملية لا تنتهي للقائم بأي وظيفة.. محتاج دائما برامج تدريب وتأهيل.. أنا بس حبيت أشير للنقطة دي عملنها مع وزارة النقل في السكة الحديد أو المترو.. وكمان وزير المالية البرنامج الفني من قبل الوزارة ولا نتدخل فيه.. أنا مش بعسكر.. مفيس الكلام ده.. اللى بيقول الكلام ده دائما هدفه التشويه ويسئ ويبث السموم في قلوب وعقول الناس ويحطم الأمل في بكرة من خلال شائعات وأكاذيب وإفك في ظل ظروفنا الحالية".
وأردف الرئيس السيسي: "عمري ما قولت كلام معسول ولا أحلام.. ولا عمري ما قولت أنا هجيب معايا.. انا قولت عمل وبس.. هنفضل نشتغل لغاية ما ربنا يوفقنا ويكرمنا".
اقرأ أيضًا: لماذا يتدرب المعلمون في الأكاديمية العسكرية؟.. السيسي يكشف السر
