العسيلي: شيرين عبد الوهاب ملهاش زي واتجوزت 3 مرات عشان الاستقرار
حل المطرب محمود العسيلي ضيفا على الإعلامية أسما إبراهيم في برنامجها حبر سري، المذاع عبر فضائية القاهرة والناس، وأشاد العسيلي خلال حواره بموهبة وصوت المطربة شيرين عبد الوهاب، مشيرًا إلى أنها من أعظم الأصوات، وتجتهد لتعود للساحة الفنية من جديد.
أبرز تصريحات الفنان محمود العسيلي
وأعرب الفنان محمود العسيلي خلال استضافته مع الإعلامية أسما إبراهيم، قائلا: "هي صوت من أعظم الأصوات في تاريخ الوطن العربي وملهاش زي كإمكانيات صوتية، وربنا يوفقها في اختيار الكلام الصح وحفلاتها في جدة كانت مفاجئة، وكل إنسان بيمر بتجارب كتير في حياته، وشيرين بتعافر وبترجع ورجعت".
وفي الحلقة ذاتها، كشف المطرب محمود العسيلي عن رأيه في إلغاء الحفلات الغنائية بسبب القضية الفلسطينية وأحداث غزة الجارية، فقال: "الغناء والحفلات جزء من شغلنا وفيه بهجة واحتفال ولكن هو مثل أي شغل آخر، الحياة لازم تستمر.. وممكن تفكر تتبرع بجزء من حفلاتك لغزة أو الهلال الأحمر وده اللي هنعمله في حفلات شهر فبراير هنتبرع بجزء كبير لغزة".
وتابع العسيلي: "الوضع في الأول كان صعب، وهو لسه صعب لكن الحياة لازم تستمر ولازم نشتغل والإنسان لازم يساعد بشكل إيجابي مش شعارات ولازم يكون في حاجة مفيدة على الأرض لأن الناس اللي بتهاجم بتروح شغلها".
محمود العسيلي يكشف أسباب زيجاته الكثيرة
وكشف المطرب محمود العسيلي خلال حواره ببرنامج حبر سري، عن السر وراء زيجاته الكثيرة رغم سنه الصغير، وأسباب الانفصال المتكرر، فقال: "أنا مش بعرف أعيش الحياة التقليدية، يعني لو أنا متضايق بحاول أصلح العلاقة ولو احنا الإتنين مش مبسوطين يبقى أحسن قرار لينا إننا منكملش لأن العمر قصير وأنا بحاول أعيش مبسوط ومرتاح، وأنا اتجوزت 3 مرات عشان عايز الاستقرار والعيلة، وفي الجوازتين الأولانية أنا اللي قررت أبعد، لإني فقدت الأمل أن العلاقة دي تتصلح".
اقرأ أيضا..
اتخذت في سكة التدين وأخويا أنقذني».. الفنانة حنان تكشف أسرارًا حول اعتزالها …خاص
