عصام صاصا: «عمري ما أخون مراتي وموضوع طلاقنا كان إشاعة»
كشف مؤدي المهرجانات، المطرب عصام صاصا عن تفاصيل عديدة من حياته الشخصية وعن الأزمات التي مر بها خلال رحلته الفنية، وذلك خلال حواره مع الإعلامية أميرة بدر في برنامجها الرمضاني "أسرار" المذاع عبر شاشة قناة "النهار".
تصريحات عصام صاصا
وتحدث عصام صاصا، عن كواليس زواجه من أم ابنه جهاد لأول مرة، خلال لقائه ببرنامج "أسرار"، كما كشف عن الصعاب التي مروا بها سويًا والابتزاز الذي تعرض له، وقال: "قصتي أنا وجهاد مراتي بدأت لما اتعرفت عليها وكنت معروف شوية، وكنت بحارب عشان أشوفها وهي بتتهرب مني وكانت في مرة في كافيه فعملتلها مفاجأة وقولتلها غمضي عينك وفتحت لقيتني جمبها، وأنا بحبها أوي ووقفت جمبي كتير".
وتابع مطرب المهرجانات عصام صاصا حديثه خلال استضافته في برنامج أسرار، وتحدث عن زوجته جهاد وكيف تعرضا للابتزاز من صديقه، قائلا: "كنت قاعد أنا وجهاد ومعانا صاحبتها وبنقول عايزين نتجوز وكلمنا مأذون في التليفون وقالنا نقول إيه، ولما صاحبتها اتخانقت معاها نزلت الفيديو وصاحبي استغل الفيديو واتعملنا قضية تزوير وقتها، وعشان ياخد مليون جنيه ولما واجهته قالي عشان غلطت في والدتي".
وأردف: "الجواز محتاج حد يكون فاهمه، وأنا ضد الجواز مرتين وعمري ما أخون مراتي وموضوع طلاقنا دا كان إشاعة".
