عصام صاصا: «عمري ما طلعت معايا رقاصة على المسرح»
حل مطرب المهرجانات عصام صاصا، ضيفًا على برنامج "أسرار" الذي تقدمه الإعلامية أميرة بدر، ويذاع عبر شاشة قناة "النهار"، وكشف خلال استضافته بالبرنامج عن الكثير من الأمور التي تخص حياته الشخصية ومشواره الفني.
تصريحات عصام صاصا
وتحدث عصام صاصا خلال استضافته ببرنامج أسرار: "متغرتش لما أرقامي على اليوتيوب وكل المنصات تعدت محمد رمضان وعمرو دياب لكن انبسطت، وعمري في حياتي ما حسبت أنا ناجح أد إيه ولا بحسب لبكرة وهو دا سر نجاحي إني سايبها على الله، وقتها ميدر أعمالي هو اللي قالي إن أرقامي عدت محمد رمضان وعمرو دياب، عشان كده دخلت شوفت الفيديو وكان الموضوع بالنسبالي عادي".
وتطرق عصام صاصا خلال لقائه مع الإعلامية أميرة بدر، للحديث عن إلى من تطبيق "اليوتيوب"، حيث قال: "بكسب من اليوتيوب واللي يقول إنه مش بيكسب يبقى بيضحك عليكي، أنا بكسب لكن مش زي ما الناس بتقول.. الناس متخيلة إن اليوتيوب فانوس سحري بيجيب مليارات بس هو في الحقيقة مش كده، أنا مبسألش أي أغنية ليا جايبة كام متعاقد مع شركة حافظة حقوقي على اليوتيوب وهي اللي متحكمة في كل حاجة".
وكشف عصام صاصا عن سبب رفضه لظهور راقصات بجانبه في حفلاته الغنائية، قائلًا: "أنا بعمل حفلات في الساحل، ولكن أنا الوحيد في مصر اللي عمري ما طلعت معايا رقاصة على المسرح، بضايق ومش بحب أطلع رقاصة جمبي، وأنا من جوايا صعيدي لأنها هتاخد 80% من المشاهدات هو اللي جاي الحفلة جاي يتفرج على عصام، ومش بحب الكلام اللي بيتقال بعد كده ف بحب أطلع على المسرح لوحدي".
اقرأ أيضا: عصام صاصا: «عمري ما أخون مراتي وموضوع طلاقنا كان إشاعة»
