بسمة بوسيل تكشف سر طلاقها من تامر حسني

حلت المطربة بسمة بوسيل ضيفة على برنامج "ع المسرح" الذي تقدمه الإعلامية منى عبد الوهاب، ويذاع عبر شاشة قناة "الحياة"، وصرحت خلال حوارها عن تفاصيل في حياتها لأول مرة، وكشفن عن سبب طلاقها من الفنان تامر حسني.

بسمة بوسيل عن تامر حسني: شهرته كانت مستفزة ومخيفة

وتحدثت المطربة بسمة بوسيل عن تحوفاتها في بداية زواجها من الفنان تامر حسني، وقالت: "قرار إني ملبسش فستان فرح دا كان قراري أنا وتامر لأني كان لازم أدي لرأي الناس مساحة، وكان بالنسبالي الشهرة مستقزة ومخيفة وكنت صغيرة جدا وبتهز نفسيا، احنا عملنا كل حاجة خاصة لكن دعوة الفرح نزلت في الصحافة وأنا أصلا كان في هجوم عليا وكانوا بيجولي تحت البيت ويقولوا طلقها، كنت خايفة حد يعمل فيا حاجة".

وتابعت: "مبندمش على التضحية دي ومبقولش إنها خسارة لأن هو يستاهل، وتامر لما اخترته مش عشان بس حبيته كشخص، ولكن كنت عايزاه أبو عيالي وضحيت بالغنا عشان تامر هو حب حياتي ومكنتش حاسه إن أي حد هحبه هينفع يبقى أبو عيالي ودي حاجة اتعلمتها من أبويا".

وأوضحت بسمة بوسيل، سبب تصريحها بعد الطلاق بينها وبين الفنان تامر حسني بأنها تحررت، مشيرة إلى أن القصد من حديثها، كالتالي: "قلت إني تحررت معناها إني تحررت من ضغوطات كتير، وحياة تامر صعبة جدًا ومتعبة وأنا لازم آخد بالي منه بالنهاية، هو زوجي وأنا عليا واجبات، كان في حاجات ومسؤوليات أنا مبقدرش أعملها لأني مشغولة جدا.. ومش سهل إنك تبقي متزوجة نجم بيغني وبيمثل وبيسافر وعندي 3 ولاد فمقدرش أنكر إنه كان كتير عليا".

اقرأ أيضا: تعليق مفاجئ من بسمة بوسيل بعد ظهورها مع طليقها تامر حسني