مسلم: ”أغنية ياصفر بلقح بيها على حودة بندق”
حل مطرب المهرجانات مسلم، ضيفا في برنامج "أسرار" والذي تقدمه الإعلامية أميرة بدر، عبر شاشة قناة "النهار"، وتحدث خلال لقاءه عن مقارنته بمطربي المهرجانات الشعبية وكشف عن رأيه في الفنان محمد رمضان والمطرب عمرو دياب.
تصريحات المطرب مسلم
وعلق المطرب مسلم على مقارنته بنجوم الغناء ومطربي المهرجانات قائلاً: "أغنية يا اصفر كانت من وحي خيالي وكان فيه مشكله ساعتها معايا، وهي سبحان الله نجحت، وغنيتها لواحد كان صديقي جدًا، ودلوقتي حبيبي وبموت فيه، وهو حودة بندق، وهو دلوقتي أخويا".
وتابع: "كانت مشكلة واحنا صغيرين وهو طالع من قبلي وهو محترم ومن الناس اللي شقيت ولما اتشهرنا مع بعض حصلتلنا عين بعدتنا عن بعض، فاستفزني بالكلام رحت رديت عليه بالشغل، وغنيتهاله، واتحسدنا لأننا نجحنا مع بعض كتير زي أغنية خطر جايبة 140 مليون وعاملين البوم مكسر مصر".
واستكمل مسلم حديثه، قائلا: "فيه أعلى من عمرو دياب، وحسين الجسمي أعلى واحد في العالم ليا، وعمرو دياب 40 سنة على القمة عشان تقيل ومختفي دايما، نفسي اتميز زي سعد لمجرد، لأنه سكتي، وعمرو دياب مش محتاج حد يقلده لأن صوته عادي، ومش قوي صوتياً، ولكن تسمعه تحبه، وأما أنا الاتنين، لو ربنا كرمني ووقفت قدامه هنشوف الحتة دي، لأن هيبقى رأي الناس، وأنا 23 سنة وعامل كده ما بالك لو 30 سنة هوصل لفين".
اقرأ أيضا: المطرب مسلم يعلن مفاجأة بشأن علاقته بخطيبته السابقة.. ماذا قال؟
