حسام حبيب: ”بكيت بعد انفصالنا وعلاقتي بشيرين زي الطفل اللي متعلق بأمه”

حل المطرب حسام حبيب، ضيف على برنامج "ع المسرح" الذي تقدمه الإعلامية منى عبد الوهاب عبر شاشة قناة "الحياة"، وكشف خلال لقاءه عن العديد من المفاجآت، وتحدث عن كواليس أزمته مع طليقته المطربة شيرين عبد الوهاب.

تصريحات حسام حبيب بشأن أزمته مع شيرين عبد الوهاب

وأعرب المطرب حسام حبيب، قائلا: "عمري ما خدت مليم من شغل شيرين، وكل الكلام اللي اتقال عني محصلش، وشيرين عبد الوهاب كانت بتهاجمني وقالت عليا كلام محصلش، وعملت ده كله عشان مردتش عليها في التليفون، اللي طلع منها كان بدافع الغضب والزعل واحنا كلنا وقت الزعل بنقول كلام قاسي وحتى شيرين بيني وبينها كانت بترمي كلام وحش عشان غضبانة".

واستكمل حسام حبيب: "أكبر غلط غلطته في حق شيرين إني عمري ما كنت ليا فيها طلبات، أنا كنت سايبها براحتها ولا بقولها إنتي وحشة ولا تخينة ولا قولتلها إني طالب فيها حاجة معينة وده خلاني نتجاهل عيوب بعض، وشيرين أما حلقت شعرها مكنتش أول مرة ده كان عندها زي نوع من أنواع التعبير عن الغضب".

وأردف: "قبل كدة اتخانقنا وقالتلي طلقني قولتها طب ألبسي يلا عشان نتطلق اتفاجئت إنها دخلت الحمام وحلقت شعرها ووقتها اتفقنا أن مهما كنا غلطانين وغضبانين مينفعش نأذي نفسنا".

وأضاف: "عمري ما أهانت واحدة ست، وعمري ما اتخليت عن شيرين بعد ما زعلت كل الناس مني، وأما اتجوزت شيرين كانت مقاطعة أهلها وأنا اللي صلحتها عليهم وأنا لسة بحب شيرين عبد الوهاب ومش فارق اسم العلاقة اللي بينا دلوقتي المهم إننا لسة في حياة بعض، وعمري ما ضربت شيرين وكنت معاها زي الابن اللي متعلق بأمه اتقهر لو مشيت وسابتني".

اقرأ أيضا: حسام حبيب: ”بحب ربنا بس مبصليش.. وأمي دلعتني جدا”