هلا السعيد: «نفسي في جزء خامس من المداح وحمادة هلال ما بيزعلش حد»
تحدثت الفنانة هلا السعيد، عن تفاصيل دورها في مسلسل "المداح 4"، مشيرة إلى أن شخصية "هبة" أصبحت تعاني من أزمة نفسية بعد تعرضها لمس الجن، في الجزء الثالث من أحداث العمل، لتستكمل دورها على هذا النهج ولكن بطريقة مختلفة.
وقالت في لقاء خاص مع الإعلامية شيرين سليمان، ببرنامج «سبوت لايت»، المذاع عبر قناة «صدى البلد»: «لما قرأت الورق لاقيت أنها دخلت في حالة نفسية وبتتعالج من الحالة النفسية، لكن أستاذ أحمد سمير فرج، محبش أننا ندخلها في الناحية دي شوية، فهي السنة دي مازالت ملبوسة بس الجن السنة دي مش بقوة السنة اللي فاتت السنة دي السيطرة على الجن اللي عليها كان أسهل، وده بيبان في النظرات مبقتش حادة زي السنة اللي فاتت».
وأضافت: «ناس صحابي أنا مكنتش أعرف إن حصلهم قبل كده مس أو لبس، فلاقيتهم بيقولولي أنتي شوفتي حد وأنتي بتمثلي أو قبل ما تمثلي؟، قولت لهم لأ، فقالولي هلا إحنا حصلنا بالظبط نفس اللي أنتي عملتيه».
وأوضحت: «حمادة هلال، في الحقيقة شخص طيب وجدع، وبيحب الناس كلها، ومتواضع لدرجة لا يتخيلها أحد، ومابيزعلش حد، هو شبه المداح فيه كتير أوي من شخصية الشيخ صابر المداح، ولو الناس عايزة جزء خامس أكيد هيفكرو في ده، بس أنا نفسي والله».
اقرأ أيضا: بعد انضمام هلا السعيد.. تعرف على القائمة الكاملة لـ ”لما كنا صغيرين"
