الطريق
السبت 25 مايو 2024 04:53 مـ 17 ذو القعدة 1445 هـ
جريدة الطريق
رئيس مجلس الإدارةمدحت حسنين بركات رئيس التحريرمحمد رجب
رئيس مجلس الإدارةمدحت حسنين بركات رئيس التحريرمحمد رجب

عمر كمال: ”اشمعنا لما جه دوري الكل حقد عليا”

المطرب عمر كمال
المطرب عمر كمال

حرص المطرب عمر كمال الرد على انتقادات الجمهور له بسبب استعراضه الدائم لسياراته وثروته، وذلك من خلال منشور عبر حسابه الشخصي على موقع تبادل الصور والفيديوهات إنستجرام.

أول تعليق من عمر كمال على انتقادات الجمهور

وأعرب المطرب عمر كمال خلال مقطع فيديو، وقال: "اشمعنا أنا لما كنت شغال في بنزينة بجمع الجنيه والتبس بتاعي لأني مكنتش بقبض كنت بشتغل بالتبس، وتخشلي عربية مرسيدس كنت مش بقول ليه اتلاقي أمه اللي جيباهالوا، مكنتش بقول ليه ياريتني اتعلمت زيه عشان اركب عربية زي دي، كنت بقول الحمد لله ربنا يباركله ويديله ويغني كل الناس".

وأردف: "اشمعنا أنا لما بقف أمن 12 ساعة في الشركة الألمانية في السخنة بـ 1200 ج وكنت بخدم المهندس اشمعنا مكنتش بقول هو بيعاملني ليه كدا".

وتابع: "اشمعنا أنا لما كنت شغال في محل جزم كانوا مسميني عمر ارتكلتات، كنت بجيب للست الكراتين وأقعد تحت رجيلها وأقيسها في رجليها اشمعنا مقولتش ليه كدا، اشمعنا لما جه دوري الكل حقد عليا، الدنيا مبتحبش الكسلان واللي بيندب حظه ليل نهار، أنا نزلت القاهرة بـ 10 جنيه وروحت اشتغلت في مطعم".

اقرأ أيضا: تفاصيل حفل عمر كمال بمهرجان الاحتفال بالتراث المصري في كندا