أول تعليق من زوجة عصام صاصا بعد الإفراج عنه بكفالة

أعربت جهاد زوجة المطرب المهرجانات عصام صاصا، عن سعادتها الكبيرة بعد الإفراج عن زوجها بكفالة مالية 30 ألف جنيه التي قدرتها النيابة العامة، بعد واقعة حادث دائري المنيب الذي أسفرعن مقتل شخص أربعيني في أثناء عبوره الطريق.

زوجة عصام صاصا

وفي هذا السياق، قالت زوجة عصام صاصا، عبر ستوري حسابها الشخصي بموقع إنستجرام: «روحي رجعتلي».

أزمة عصام صاصا

من جانبه، علق عصام صاصا، على أزمته الأخيرة بعد واقعة حادث دائري المنيب ووفاة شخص في أثناء عبوره الطريق: «الحمد له على قضاء ربنا اللهم لا اعتراض، ربنا يرحم الراجل اللي أنا هفضل شايل ذنبه طول عمري، بس ربنا شاهد على اللي حصل ومحدش هيحس باللي أنا شوفته وعيشته الساعات اللي فاتت».

وأضاف عصام صاصا عبر ستوري حسابه الشخصي بموقع إنستجرام:«ربنا يصبر أهله ويرحمه وشكرا لكل إخواتي اللي سألوا عليا وشكرا لكل الناس اللي دافعت عن عصام وعارفة إن عصام عمره ما يأذي حد بس ده قضاء ربنا».

واستكمل قائلا: «أنا طبعا ليا حق الرد بس أنا فعلا تعبان جدا واللي أنا فيه مش سهل، ياريت تقدروا ده ولما أحس إني بقيت أحسن شوية، هوضح كل حاجة».

الإفراج عن عصام صاصا بكفالة

وكان قد غادر مطرب المهرجانات عصام صاصا قسم شرطة الطالبية، عقب انتهائه من إجراءات إخلاء سبيله وسداد 30 ألف جنيه الكفالة المالية التي قدرتها النيابة العامة، يوم الإثنين الماضي، وذلك عقب وصوله من مصلحة الطب الشرعي، لإجراء تحليل المخدرات وبيان تعاطيه مواد مخدرة أو مسكرة وقت وقوع الحادث، الذي تسبب في قتل شخص أربعيني عن طريق الخطأ.