”خسيت 50 كيلو”.. شيماء سيف تكشف تفاصيل خضوعها لعملية تكميم معدة

كشفت الفنانة شيماء سيف عن تفاصيل خضوعها لعملية تكميم معدة، بعد تعرضها لأزمة صحية مؤخرا بسبب وزنها الزائد، وذلك خلال لقاءها مع الإعلامية ياسمين عز، في برنامجها "كلام الناس" المذاع عبر شاشة mbc مصر.

خضوع شيماء سيف لعملية تكميم معدة

وقالت الفنانة شيماء سيف خلال حوارها مع ياسمين عز: "أنا عملت عملية تكميم معدة، وأنا صاحبة مقولة ليه أعمل رجيم وأنا قدامي شوكولاتة ولامكرونة بشاميل.. بس لو نفتكر بردو، أنا اللي كنت بطلع أقول أنا الحمدلله صحتي كويسة ولو حصل لصحتي حاجة، إلا صحتي وحصل، والسنة اللي فاتت رجلي بدون سابق إنذار وركبتي مش قادرة أتنيها".

وأضافت: "صحيت من النوم ركبتي مش قادرة اتنيها، ومش عارفة أعمل إيه، بطلع سلمة كدة وبصرخ وبحس بوجع فظيع، وكلمت دكتور وقلت له مش عارفة في إيه، وقال لي لازم تعملي أشعة، وعملت الأشعة وبعتها له، قال لي لازم نعمل تغيير مفصل حالًا، وهنا حسيت أني واحدة تانية".

وتابعت شيماء سيف: "العملية حاجة بتساعدك أول شهر إن إنت مابتكلش، وبعدها إنت بتتعود إنك مابتاكلش، وبس لما بتشوف الأكل بتحس إنك عايزه، بس أنا دلوقتي بجد لما تعبت ولقيت نفسي كدة، بقيت بقرف لما أشوف حد بياكل".

واستكملت: "أول ما عملت العملية بتنزلي 20 كيلو، وبعدها بقى 6 كيلو وحاجات كدة، وإحساس إنك تنزلي من 3 أرقام على الميزان لرقيم، ونزلت 50 كيلو حتى الآن".

اقرأ أيضا: شيماء سيف تروي تفاصيل تعرضها للتنمر: «شايفة نفسي حلوة»