”تولع الناس”.. رندا البحيري تدعم رامي جمال بعد إعلان مرضه

حيث قالت عبر حسابها الخاص بـ"انستجرام" "الحمد لله على كل شئ أنا بحبك أوي يا رامي وإنت أكيد عارف ده.. ربنا يقدرك على اللي هتشوفه أكيد من المجتمع.. بس أنا عن نفسي بنصحك.. تولع الناس.. وخليك مع القريبين.. وانجح.. واشتغل أكتر من الأول كمان.. بحبك جدا".

وكان الفنان رامي جمال قد أعلن إصابته بالبهاق وغضبه من تعليقات البعض ونشر رسالة طويلة عبر حسابه بتويتر قائلاً: الحمد لله الذي أحبني فابتلاني وقدرني على الصبر.. من فتره ظهرت بقع بيضا في جسمي وبالكشف عرفت إنه البهاق.. وجربت أنواع علاج كتير ودكاترة كتير ومفيش فايدة.. رضيت وسلمت أمري الله علشان عرفت إن الزعل بيزوده وكفايه شغلانتي وصعوبتها والقلق الدائم من المستقبل".

 وتابع "بقي بيزيد لدرجه لفتت نظر ناس كتير.. اللي بقي يقول لي هتتعامل إزاي وانت فنان.. واللي يخاف يسلم.. واللي يسألني هو ده معدي.. أنا بقالي سنة فعلا لو عندي حفلة أو تصویر بتعب على ما أشوف طريقه أخفيه بيها.. لدرجة خلت ناس تقول لي شوف بیزنس تاني اعمله علشان الناس مش هتقبلك كده.. فكرت في كلامهم بصراحة ولقيت إن عندي حلين.. یا فعلا شكرا لحد كده على الشغلانة دي رغم حبي ليها وعدم معرفتي بغيرها.. یا إما مش هداريه تاني وتقبلوني بيه وترحموا كل اللي ربنا ابتلاهم بيه من نظرة إن شكله غريب".