رامي جمال يبعث برسالة جديدة لجمهوره:«انا بقيت شايف الابتلاء ده هدية من ربنا»

اقرأ أيضًا: زوجة رامي جمال تدعمه بعد إعلان إصابته بالبهاق

وكتب "رامي" عبر صفحته الرسمية على موقع التواصل الاجتماعي الأشهر فيسبوك قائلًا:"الحمد لله اولا وأخيرا ً انا عاوز أقول كلااااام كتير عن اللي شوفتو منكم كلمه شكرًا قليله علي مشاعركم وعلي رقي كلامكم وعلي الوقت اللي ضيعتوه علشان تحسنو الصوره المظلمة اللي كانت في عيني انا بقيت شايف الابتلاء ده هديه من ربنا".

وتابع "جمال" رسالته قائلًا:"علشان اشوف الحب ده والله دموعي مبتقفش وانا بشوف كلامكم اوعو تبخلو علي اَي حد بدعم نفسي زي اللي دعمتوني بيه احساس الحب بينور الدنيا بيرجع الروح والأمل اللي انتو عملتوه ميتقدرش ثانيا عاوز اشكر زملائي الفنانين علي كل كلمه حلوه وكل دعم شفتو هي دي الروح اللي نفسي تفضل موجوده مش بس بعد المرض ولا الوفاه الكلام الحلو قولوه علطول ليا ولغيري بيفرق جدا".

وأضاف "رامي" خلال رسالته:" الحب بيغير الضلمه لنور ثالثا لكل القنوات اللي بتحاول تتواصل معايا من امبارح علشان تطمن عليا بشكركم جدا بس أنا كتبت البوست ده علشان انهي حمل على قلبي مش علشان ابقي تريند بشكركم طبعا بس اتمني لما تقررو تستضيفوني يبقي علي عمل فني مش مرض مقدر شغلكم طبعا بس انا مش قابل فكره مريض انا الحمد لله اتأكدت بكلام الناس اني مش خايف ومش هترفض فبلاش اَي حاجه تتفهم غلط شكرًا علي اهتمامكم ومقدرو واشوفكم في لقاءات فنيه بعد نزول ألبومي ده أفضل نفسيًا كتير ليا ومفيش مانع ساعتها نتكلم عن اني ازاي اتعايشت بيه وهتعايش بيه لو ليا عمر".

واختتم حديثه قائلًا:" الحمد لله علي الابتلاءالحمد لله علي حبكم ودعمكم ده دين هعيش بيه خلصتوني من سجن كنت عايش بيه كنت بصحي قبل ما اغسل وشي اعد البقع واشوفها زادت ولا لا انهارده صحيت نزلت وحبيت المحنه اللي ورتني قلوبكم وجمالها شكرًا من قلب قلبي ".

يذكر أن في الساعات الماضية كانت النجمة أنغام قد كشفت عن تعاون جديد من المقرر أن يجمعها بالفنان رامي جمال من خلال صفحتها الرسمية على موقع تبادل الصور والفيديوهات انستجرام.