رامي جمال يتحدى: ”مش هسكت إلا لما البهاق يبقى من علامات الجمال”
يبدو أن الدعم الكبير الذي تلاقاه الفنان رامي جمال من جمهوره، عبر منصات التواصل الإجتماعي، ونجوم الفن جعله يخرج من هذه المحنة وقرر أن يحولها إلى منحة فبعد أن شكر جمهوره وكل من دعمه وقال: "أنا بقيت شايف الابتلاء ده هدية من ربنا".
ونشر "جمال"، رسالة جديدة اليوم إلى جمهوره وقرر أن يقدم معلومات عن البهاق كما أصر أن يقوم بعمل أغاني وحملات توعية عن مرض البهاق.
وكتب عبر حسابه الخاص بانستجرام قائلاً: "تعالوا كل يوم نعرف حد حاجة عن الموضوع ده أولا مش معدي وده مرض مناعي لو أترفضت في شغل بسببه أبعتلي ونعرف الناس اسم المكان اللي مفيهوش إنسانية لو انتي او أنتم اترفضم من اللي هتتجوزه بسببه أنتم الكسابنين اللي بيبص على لون جلدك قبل لون قلبك إنسان فاضي ميتعاشرش لو في مدرسة وأصحابك ميعرفوش أيه ده متزعلش إحنا نعرفهم ده أيه المدرسين يعرفوهو ده ايه واكيد هيقدروا ان ربنا ميزنا".
وتابع: "البهاق مش مرض البهاق ترجمة توتر وقلق وضغط ف ياريت كل الناس اللي عندها يبقى عندها الحظ اللي شوفته منكم والدعم اللي شوفته منكم من ساعة ما كتبت والتلفزيون مبيتكلمش غير عليه نجوم الحلقات دكاترة جلدية مشكورين عرضو علاجي وأنا بقولكم كتير أولى مني بالعلاج المجاني وشايف ناس بدأت حملات اه متأخرين بس كويس أنهم بدأوا أنا مش هسكت وهعمل أغاني وحملات توعية ومش هسكت إلا لما البهاق يبقى من علامات الجمال انتم طمعتوني بالتحضر والرقي اللي شوفتوه وبقت مسؤولية اني انجح وابقى صوت لكل اللي اتميزوا بيه وادعمهم واشوف فرحتهم زي ما فرحتوني".
وكان المطرب رامي جمال، أعلن الأحد الماضى، إصابته بمرض البهاق، وتفكيره في اعتزال الفن، وخاصة بعد أن نصحه العديد من معارفه بالابتعاد عن المجال، وأعرب عن مخاوفه من عدم تقبل الجمهور له، بعد ظهور بقع بيضاء اللون في أماكن متفرقة من جسده، وفي السياق ذاته دعمه جمهوره عبر منصات السوشيال ميديا المختلفة، وأيضا زملاؤه من الفنانين.
