بـ”حديث شريف”.. ناهد السباعي تثير الجدل بين متابعيها على انستجرام
بعد أزمة الفنانة ياسمين عبد العزيز التي لم تنتهي بعد، أثارت النجمة ناهد السباعي الجدل برسالة غامضة عبر حسابها الخاص بموقع تبادل الصور والفيديوهات "إنستجرام".
ونشرت ناهد السباعي صورة لحديث شريف: "ومن ستر مسلما ستره الله فى الدنيا والآخرة"، وعلقت قائلة: "عمري ما بنزل صورة دينية عشان محدش يتريق عليا وشوف بتمثل التدين وكده وأنا أصلا بنت عادية جدا بدعي ربنا يكرهني في المعصية".
وتابعت ناهد السباعي: "بجد بجد مش قادرة امسك نفسي يا جماعة أرجوكم أرجوكم بالذات الرجالة بلاش تكلم علي أسرار بيوت الناس وعرضهم و حالهم وشرفهم وعيوبهم ومشاكلهم عشان ده ذنب أكبر من التنمر اللي تريند اليومين دول".
اقرأ أيضًا: شقيق ياسمين عبد العزيز يهاجمها بكلام خادش بسبب علاقتها بأحمد العوضي (صور)
واختتمت ناهد: اللهم استر عوراتنا وآمن روعاتنا لنا ولكم جميعا يارب.. محدش يكتب اسم حد لو سمحتم في الكومنتس عشان حرام برضه، ده موضوع بتاعي أنا وأحب أقول لصحابي اللي عملوا فيا كده جتكم الأرف بجد بجد انتوا الإتنين جتكم الأرف كنت فكراكم اخواتي وصاحبي ؟؟!!! لكن إخيه عالرجالة".
