شقيق ياسمين عبد العزيز يهاجمها بكلام خادش بسبب علاقتها بأحمد العوضي (صور)
هاجم الممثل وائل عبد العزيز، شقيقته الفنانة ياسمين عبدالعزيز، بسبب علاقتها الأخيرة بأحد نجوم الوسط الفني.
ونشر وائل عبر صفحته الشخصية على موقع التواصل الاجتماعي فيسبوك قائلا: "بصي يا ياسمين يا عبد العزيز يا اختي : انا معاكي وفي ضهرك من وانتي صغيره شيلت مشاكل كتيًر بسببك من وانتي عيله صغيره بدايه من مشاكلك مع الشاعر وبراده وانتي عارفه ان انا اتاذيت فيها ازاي وقضيته الشغالات مؤخرا غير قضيه الضرب الي كانت بينك وبين بنت هشام سليم الممثله الي لبستيها التورته في وشها".
وأضاف وائل عبدالعزيز في منشوره الموجه لشقيقته ياسمين عبدالعزيز: "وقفت جمبك بكل ما أملك من قوه أدافع عنك في كل موقف صعب مر عليكي ونسيت حياتي ونفسي عشانك وبقي كل همي انا "ووالدتك " انك تكبري وتبقي نجمه في مجالك .. سيبنالك اختياراتك كلها لنفسك ووفقنالك علي معظم قراراتك وكنت الوحيد الي ساندتك ووقفت جنبك في طلاقك .. لكن هنهرتل وتروحي تعرفي واحد اصغر منك ب ١٠ سنين لا من سنك وتتصوري صور مالهاش اَي لازمه علي حساب سمعتك وسمعتنا لا ومحدش هيسمح .. من امتي واحنا بنعمل أعياد ميلاد وتنزل علي السوشيال ميديا .. من امتى الناس بتجيب في سيرتنا !؟ ونقعد نتعاكس علي السوشيال ميديا".
وتابع: "ومع ذلك حياتك وانتي حره فيها .. انا هتكلم علي الشق الي يخصني .. انتي مقاطعه كل العيله عشان تعملي الي علي مزاجك .. احنا دلواقتي عايزين نفهم العلاقه دي ايه و رايحه علي فين".
وتابع: "اما بالنسبه للأخ الي ماشي وراكي في كل حته وشايفك البيضة الدهب الي هتفقسله كل يوم احب أقولك يا راجل لما تيجي تدخل بيت تدخله من بابه يا راجل وتقعد مع رجاله البيت..دي الأصول وده الاحترام .. وطبعا لانك عارف انك مرفوض رافضا باتا فا عمرك ما هتعمل ده ومعندكش غير طريق الشمال الي انت سالكه من سنين مع بنات الناس".
واختتم: " انا من راي كفايه عليك البطوله الي أخدتها والعربيه المرسيدس الهديه .. وتركز في شغلك وتسيبنا في حالنا لان طول عمرنا في حالنا ومحدش سامع عننا حاجه وملوش لازمه جو الصور والمعاكسات ده وانا مبخفش من تهديد حد".
