محكمة الأسرة اليوم 2020| مراتي دلوعة العيلة
"مراتي بتجهد نفسها عشان خايفة على جسمها يبوظ، آخر العنقود ومدلعة وأنا تعبت من دلعها "، هكذا وقف الزوج أمام محكمة الأسرة بمدينة نصر يبرر طلبه لقضية نشوز زوجته.
وقال الزوج في دعواه أمام محكمة الأسرة بمدينة نصر: " مراتي آخر العنقود مدلعة بزيادة 3 سنين شايف معاها الويل، متحكمة وعندية ومش بتسمع الكلام، ولما أطلب منها حاجة تتعصب وتهد الدنيا، وللأسف اكتشفت ده بعد الجواز، محدش بيعرف يكلمها ولا بتعرف تشيل المسئولية ".
و أضاف الزوج في دعواه أمام محكمة الأسرة بمصر الجديدة: " قررت فجأة وبدون سابق إنذار إنها مش هتخلف، عشان خايفة على جسمها يبوظ من ترهلات الحمل والولادة، صدعتني بكلامها عن السمنة، ولما كنت أمنعها من الإجهاض تروح تعمل كده من غير علمي، وبعد كده اكتشفت إنها قررت تحرمني من حلم إني أكون أب " .
وواصل الزوج في دعواه أمام محكمة الأسرة بمصر الجديدة : " سابت البيت ومشيت، ورفضت ترجع ولما حاول أهلها يتكلموا معاها، رفضت كلامهم وسابت البيت ليهم وراحت أجرت شقة وعاشت لوحدها، فمكنش قدامي غير محكمة الأسرة، وأرفع عليها قضية نشوز، بعد ما كل محاولاتي معاها فشلت " .
جدير بالذكر أن دعوى النشوز هي الدعوى التي يقيمها الزوج ضد زوجته الخارجة عن طاعته وذلك بعد رفضها لمطالبه أو الاعتراض على الإنذار بعد الميعاد القانوني، وإذا أصبحت الزوجة ناشزة يسقط حقها في نفقتها الزوجية فقط من تاريخ إنذار الطاعة ولا يسقط أي حق من حقوقها في نفقة العدة والمتعة ومؤخر الصداق أو أي حق من حقوق الأطفال، ويكون حرمان الزوجة الناشز من نفقتها بصفة مؤقتة حتى تدخل في طاعة زوجها مرة أخرى وتقلع عن نشوزها، وهنا تحتسب نفقتها الزوجية لها من جديد.
