بعد الإساءة لمصر .. راندا البحيري تطالب بسجن الفتاة الكويتية.. وتوجه رسالة لوزيرة الهجرة

أعربت راندا البحيري عن استيائها الشديد، من الفيديو الذي وجهته إحدى الفتيات بدولة الكويت، وأهانت من خلاله دولة مصر وشعبها.

اقرأ أيضا..أحمد حلمي يطل على جمهوره من حمام سباحة فارغ.. وهكذا علّقت منى زكي

ونشرت راندا البحيري، مقطع الفيديو للفتاة الكويتية، عبر حسابها الشخصي بموقع تبادل الصور والفيديوهات الشهير إنستجرام، وعلقت قائلة: "يا نهار إسود. والله ما مصدقه نفسي. عيب والله".

وأضافت "البحيري"، قائلة: "تاني حاجة، أنا عايزه حقي، انا بلدي اتشتمت، مصر اتشتمت والمصريين اتشتموا واتهانوا يا كوايته يالي بنحبكم، أنا واحدة من الناس أصلا بعتبر أن كل بلاد الدنيا بلادي.، ربنا خلقني في مصر في القاهره لسبب لحكمه ما، لكنه برضه خلقني على كوكب الأرض، أنا بشوف أن كل العالم ده بتاعي".

وتابعت: "ومؤمنة بالإنسانية. واننا كلنا بشر. وممكن جدا أتصدق وازكي واعمل خير مع واحد مش من جنسي ولا من لوني ولا من عرقي أو طالما غلبان وفقير، وعمري ما ركزت مين مصري ومين ايه ولا عمري أصلا سألت حد عن جنسيته، بس بجد بقي كده، كتر اوي الموضوع ده اهانتنا كل يوم ده شي مينفعش السكوت عنه، ولو سمحتم لو مش عايزين العمالة اللي عندكم، يا معالي وزيرة الهجرة المحترمة نبيله مكرم، الناس اللي شغالة في الكويت، لعلهم يقدروا يشتغلوا من غيرنا، يا إما بعد إذنكم اعتذار وقرار صارم لهذه السيدة بالسجن، بعد إذنكم أنا مش قادرة اتحمل الإهانة دي على ولاد بلدي المغتربين".