بوزن زائد.. أدهم سليمان يكشف عن ملامحه قبل 10 سنوات (صورة)
شارك المطرب أدهم سليمان جمهوره ومتابعيه، بصورة يقارن فيها بين نفسه الآن وقبل 10 سنوات، والذي ظهر خلالها بوزن زائد عن ماهو عليه الآن.
وعلق سليمان عبر حسابه الشخصي بموقع تبادل الصور والفيديوهات الشهير "إنستجرام": "دايما لما حد بيحط صورتين من النوع ده جنب بعض بيحكي مأساه وقصة نجاح كبيره..أنا عاوز أقول حاجه تانية خالص وهي أن التغيير في الشكل ده شيء سهل جدا والله ومش بفلوس كتير زي ما الناس متخيلة ومش هو المهم، المهم انت من سنة فاتت كنت إيه والنهاردة انت إيه والمهم عملت ده إزاي وكان عندك وجهة نظر وحلم ولا عشوائي وزي ماتيجي".
وتابع: "فكرت بره الصندوق ولا كنت زيك زي غيرك ومشيت في طريق مش بتاعك لأن مافيش غيره، الصورة اللي على الشمال صورتي وأنا لسه مخلص حفلة في الجامعة وكان في حد أنا بشكره جدا بيتصور معايا وأنا معنديش غير طموحي بس، اللي على اليمين صورتي من أسبوعين وأنا محقق أول خطوة في طموحي ده، الفرق بين الصورتين عشر سنين تقريبا وحوالي ألف حفلة وثلاثين أغنية تقريبا وتكريمات من كل مكان في مصر وجائزة أفضل مطرب صاعد في الشرق الأوسط ومشروع استوديو صغير ليا ولكل موهوب والحمد لله ملايين الاستماعات علي اليوتيوب وكل منصات السوشيال ميديا وفريق عمل متكامل أشكرهم من كل قلبي علي تعبهم وصبرهم معايا وهزائم وانكسارات ونجاحات وكل ده اشكر الله سبحانه وتعالي من قلبي عليه، ثم أشكركم انتم عليه لأنكم دعمي وسندي".
اقرأ أيضا.. منى زكي توجه رسالة قوية: ”دعونا نقف من أجل حقوقنا كبشر”
واختتم رسالته: "ودي أول خطوة في طريقي الطويل، الخلاصة حبوا بعض وادعموا بعض في كل حالاتكم وخلي عندكم إيمان بالله أولا ثم بعقلياتكم وطموحكم ثانيا وإيمان اللي بيحبوكم، اللي بيحبوكم بجد فكل حالاتكم وفكل انكساراتكم وتقبلوا القليل لأن ربنا بيطرح فيه البركة، تقبلوه عشان تقدروا تكبروه، ربنا يسعدكم ويفرح قلوبكم دايما".
