محكمة الأسرة اليوم 2020| ضحك عليا بقانون العرض والطلب

"ضحك عليا، وفى الآخر رماني ونشر فيدوهات إباحية ليا"، هكذا صرخت سندس أمام محكمة الأسرة بالتجمع الخامس تطالب بإثبات زواجها من مديرها.

وقالت سندس أمام محكمة الأسرة بالتجمع الخامس: "هو مديري فى الشغل، كان بيهتم بأدق تفاصيلي، وحاول يلفت نظرى بكل الطرق، اتشديت ليه وحبيته، بس ظهر على حقيقته وطلبت مني أعيش معاه من غير جواز، رفضت وشتمته، وبدأ بعدها يخنقني فى الشغل، ولما واجهته طلب نتجوز عرفي".

 

اقرأ أيضًا: النار أكلت العيال والتبن.. مصرع طفلين في حريق على سطح المنزل ببنى سويف

وتابعت أمام محكمة الأسرة بالتجمع الخامس: "رفضت وطلبت منه يبعد عني، هددني يطردني من الشغل، ولقيت ساعتها إني هخسر كل اللى بنيته السنين اللى فاتت، فاضطريت أوافق على الجواز العرفي، وفعلا اتجوزته لمدة 10 شهور".

وواصلت سندس أمام محكمة الأسرة بالتجمع الخامس: "كان بيصورني وأنا معاه، ويقولي عشان بفتقدك لما بتغيبي عني، بس مكنتش عارفة إني واحدة من ضمن قايمة البنات اللي فى مكتبته، وبعد ما أخد غرضه مني قالي نصا《إنتي أخدتي مقابل وقتك معايا، مفيش داعي للجوازة المشبوهة دي》وساعتها انهارت".

وأكملت أمام محكمة الأسرة بالتجمع الخامس: "هددته إني هفضحه باللي بينا وطالبته يتجوزني رسمي، فنشر فيديوهاتي معاه بين أصحابي وشوه سمعتي، وقال إني بحاول أغويه عشان أتجوزه بالعافية، وبنفوذه اتطردت من الشغل وخسرت كل حاجة، وخصوصا لما أهلي عرفوا" .