زوج للقاضي: مراتي متجوزة عليا مرتين

"مراتي متجوزة عليا اتنين، وعايشة معانا احنا التلاتة"، بتلك الكلمات وقف الزوج أمام محكمة الأسرة بشبرا الخيمة يطالب بإثبات زني زوجته .

وقال الزوج فى دعواه أمام محكمة الأسرة بشبرا الخيمة: " عرفتها عن طريق واحد صاحبي، اتقدمتلها وخطبتها ٤ شهور، وبعدها عملنا الفرح واتجوزنا، وعشنا أيام جميلة ملهاش أول من آخر، لحد ما اكتشفت أكبر مقلب فى حياتي ".

اقرأ أيضًا: بعد 8 سرقات.. عصابة سرقة مساكن الشروق في قبضة قوات الأمن

وتابع الزوج فى دعواه أمام محكمة الأسرة بشبرا الخيمة: " الهانم كانت بتحب الشغل جدا وبتشتغل فى أى حاجة، بتاخد مني فلوس كتير وكنت بقول فى البداية ده لبيتي، كانت بتخرج كتير وبتغيب أكتر، بس كانت بترجع تعتذر وتتعامل كويس جدا، وكنت بسامح وأقول شغلها بس بعد فترة لاحظت إنها متغيرة، واكتشفت رسايل غريبة على تليفونها، من رقمين، رسايل فيها إيحاءات جنسية، وقررت أراقبها وأراقب تليفونها ".

وواصل الزوج فى دعواه أمام محكمة الأسرة بشبرا الخيمة: " فى النهاية اكتشفت انها بتخوني، وأثناء سفري بتكون مع راجلين غيري، وعلى علاقات غير شرعية معاهم، فاجأتها بوجودى وهى فى وضع مخل للآداب، بس الكارثة لقيت الراجل بيطلع عقد جواز عرفي بينهم".

وتابع الزوج فى دعواه أمام محكمة الأسرة بشبرا الخيمة: " النيابة أخدتها وحققت معاها، واكتشفت إنها على علاقة براجل تالت بعقد عرفي تاني، ووقفت تايه مش عارف أنا دوري إيه فى حياتها، واكتشفت إن زوجها التالت مخدوع، وإن الزوج الأول هو اللى وافق ترتبط برجالة غيره عشان الفلوس".

وانتهي الزوج بكلماته أمام محكمة الأسرة: " جوزها الأول اعترف إنه اتعرف عليها وهى كانت بتمارس علاقات كتير، فعرض عليها الجواز عرفي، وبعدها بسبب الظروف وافق تتجوز رجالة تانية وكان معتقد إنها تجارة رابحة، وبالفعل اتجوزتني ولما فلوسي قلت بدأت تدور على ضحية تانية بفلوس أكتر، واللي هو الزوج التالت، وتم الجواز عرفي لأنه متزوج ولديه أولاد ".