مستشار الزمالك يفتح النار على مرتضى منصور: ”أنا صندوقك الأسود”

فتح محسن حافظ المستشار القانوني السابق لنادي الزمالك والصديق المقرب من مرتضى منصور، النار على رئيس القلعة البيضاء للرد على تجاوزات الأخير.

وقال "حافظ" خلال استضافته في برنامج "ملك وكتابة" المذاع على قناة "الأهلي" :"مرتضى منصور من بدأ الخلافات بإقحام اسمى في اتهامات باطلة، لكنى سارد عليه في كل القنوات حتى قناة الأهلي".

وتابع: "أنت عمرك ما كان لك في الرياضة، انت عمرك ما لعبت بلى وتقول لعبت ملاكمة بطل كدب بقى يا راجل، انت لو حد زقك بتتقلب على وشك".

وكشف محسن حافظ: "أنا الصندوق الأسود بتاعك، انت بتسب وتشتم في الناس، ومعاك مفيش قانون، وأنا عارف لكل حاجة بس مينفعش أتلكلم".

وعن قضية نادي القرن، رد: "أين كنت وقت إعلان الأهلي نادي القرن في أفريقيا، كنت موجود في الزمالك تتخذ موقف".

وكشف مستشار الزمالك سبب رحيله عن القلعة البيضاء، حيث قال: "مرتضى قال أنه أقالني من عملي بالنادي، لكن هذ لم يحدث، أنا من رحلت بعد ما طلب مني اقتحام غرفة المشورة في محكمة الجنايات في قضية الدفاع الجوي عشان أقول لهم انتم مرتشين".

وتابع: "أنا اللي خرجت مرتضى منصور من موقعة الجمل، واللي عملته قبل كدة مستحيل أعمله تاني، وهو بيقول إني مرتشي".

وواصل: "أنا علاقتي بدأت بمرتضى منصور لما كنا في الجامعة وطلب منى أدافع عنه بسبب الصحفي محمد رجب، وأنا من شبرا وكان معروف عني إن محدش بيهمني".

واستطرد: "مرتضى نسي تاريخه، آخره يمسك حديدة ويقف يذيع مين جرى بالكرة ومين جاب جول، إنت ملكش علاقة بالكورة".

اقرأ أيضًا: مستشار الزمالك السابق: عادل إمام قال خلصوني من مرتضى منصور

واختتم محسن حافظ تصريحاته: "نادي الزمالك بقى عزبة مرتضى منصور من 2015، الأهلي مؤسسة محترمة ومحترفة، لكن اللي انت ممشيها دي زريبة".