زوجة بدعواها في محكمة الأسرة: الإدمان دمر حياتي

"الإدمان دمر حياتنا، وهو السبب في إني أقف متهمة في قضية تزوير شيكات"، بتلك الكلمات وقفا الزوجة أمام محكمة الأسرة بمصر الجديدة تطلب الخلع من زوجها.

اقرأ أيضًا: لمكافحة جرائم البناء.. تعرف على قرارات النائب العام الجديدة اليوم

وقالت الزوجة في دعواها أمام محكمة الأسرة: " اتجوزت من 3 سنين، في البداية كان محترم وكويس، مبيغلطش في حد، بيصلي ومبيفوتش فرد، بس فجأة بدأت ملامح المخدرات تبان في عنيه، وشكيت فيه، وبدأت أدور وراه".

وواصلت الزوجة في دعواها أمام محكمة الأسرة بمدينة نصر: " اكتشفت إن جوزي فعلا مدمن، ولما واجهته ضربني وكسر عضمي، صبرت عليه عشان خاطر بنتي الصغيرة، ملهاش حد غيري، ومحدش هيتحملني بيها، وحاولت كتير اتكلم معاه، وأفهمه إن بنته محتاجاه بس كان بيقابل كلام بالضرب والإهانة ".

اقرأ أيضا: فى قضية الفسق والفجور.. نظر إستئناف النيابة على إخلاء سبيل حنين حسام اليوم

وأكملت الزوجة أمام محكمة الأسرة بمدينة نصر: " احنا اتجوزنا بعد قصة حب كبيرة، بس الظاهر إن الحب بعد الجواز بيطير زي التنر، جوزي استقال من شغله، واعتمد على مرتبي، وحملني تمن احتياجاته الشخصية، حتى المخدرات بدفع فلوسها، وفي النهاية زور شيكات بإسمي ودخلني السجن ".