زوجة بمحكمة الأسرة: طلقوني.. مش عاوزة أخسر ديني

"جوزي ملحد، وعاوزني أتخلى عن ديني، ده المفروض أزهري، إزاي يعمل كده"، هكذا صرخت زوجة أمام محكمة الأسرة بمصر الجديدة تطلب خلعها بأسرع وقت لتفر بدينها وحياتها.

اقرأ أيضًا: شهيد شهامة جديد.. عزبة الهجانة تبكي حبيشة ”مش هنسيب حقك”..والأم: ابني اتقتل عشان مالناش ضهر

 

قالت الزوجة فى دعواها أمام محكمة الأسرة بمصر الجديدة: "اتعرفت على جوزي من جمعية لمساعدة الأيتام، ودامت خطوبتنا سنة كاملة، اتعرفت فيهم عليه كلن شخص متدين وأزهري ومفيش فيه غلطة، قولت إني شخصية محظوظة وربنا عوضني خير بعد الصبر".

وتابعت الزوجة فى دعواها أمام محكمة الأسرة بمصر الجديدة: "ملاحظتش عليه أي حاجة خلال فترة تعارفنا، بس بعد الجواز اتغير بطريقة بشعة، تفكير دايما بطريقة غريبة، المعتقدات الدينية بيضرب بيها الخائط، ولما أكلمن يرفض كلامي ويرفض أى محاولة للنقاش".

وواصلت الزوجة أمام محكمة الأسرة بمصر الجديدة: "عشت معاه 7 شهور، بكلم فيهم نفسي، وبقول هيتغير ومعتقدة إن اللى فيه مجرد وساوس، حاولت أتناثش مع حماتي وإخواته فى المشكلة بس مفيش فايدة، كل الناس مكانتش متخيلة، إن جوزي خريج الأزهر يتغير كده، ويحيد عن تعاليم دينه الحنيف، ويكون من أشد أعداء الإسلام".

وأضافت الزوجة أمام محكمة الأسرة بمصر الجديدة: " سيبت البيت هربت لأهلي، خوفت على ديني وخوفت يأذيني، وقولت لنفسي أهرب قبل الحمل، والمشكلة تكبر، بس هو رفض يسيبني فى حالى، وبدأ يطاردني ويضربني، ويهددني بالقتل ".

وأكملت الزوجة أمام محكمة الأسرة بمصر الجديدة: "مكنش قدامي غير محكمة الأسرة تنجدني منه، بس هو رفع ضدي قضية نشوز، وأنا خايفة أعصي ربنا وأفرط غصب عني فى ديني".