”مش حرام ولا عيب”.. رضوى الشربيني ترد على شائعة زواجها من رجل متزوج (فيديو)

تصدر اسم الإعلامية رضوى الشربيني، مؤشرات البحث على جوجل، بعد تداول شائعات زواجها في السر من رجل متزوج مسئول باحدي القنوات الشهيرة، وهو ما أثار الجدل حولها.

وأكدت رضوي الشربيني خلال "لايف" عبر حسابها الخاص بموقع التواصل الاجتماعي "فيسبوك"، عدم صحة تلك الأقاويل معبرة عن استيائها الشديد من مروجي الشائعات، وقالت: "الحقيقة أنا بقالي خمس سنين في برنامج "هي وبس"، وبيتقال عليا كلام كتير أوي وبيطلع عليا إشاعات كتير مرة ناس جوزتني 13 مرة ومرة 14، وأرقام غريبة ومن ناس كتير".

وأضافت: "بقالي خمس سنين ونص بسمع كلام مش محترم ومش مظبوط وغلط، وبيطلع عليا إشاعات كتير أوي كل أسبوع أو شهر، وكل اللي اتقال عليا خلال أربع أو خمس سنين كنت بفضل الصمت لأن طول الوقت بقول ربنا موجود وهيبين الحقايق".

وواصلت: "ولكن أنا اتفاجأت بإشاعة غريبة جدا وكلام مش عارفة اتقال ليه في التوقيت ده بذات ودي حاجة متخصنيش أنا لوحدي وعشان كده طلعت أتكلم".

وأكدت: "عايز أقول لكل الناس اللي بتحبني أو مش بتحبني أنا شخص مش مرتبط ولما هرتبط كل الناس هتعرف عشان أنا مش الست اللي بتعمل حاجة في الخفاء، انا بجحة كفاية أوي إني أي حاجة بعملها أقول عليها".

اقرأ أيضًا:   بعد عومير آدام وإيلاد تسلا.. لاعب إسرائيلي ينشر صورته مع محمد رمضان

أضافت: "والجواز مش حرام ومش عيب بس أنا لا أقبل اتجوز راجل متجوز ولا أحب أكون ضرة وفي ستات تقبل بس أنا مش عايزة، ولا أدخل مع حد في علاقة لحد ما يطلق، أنا بقول للستات تبعد عن أي راجل متجوز علشان متكسرش قلب ست، ومستحيل أنا أكون أول واحدة تكسر قلب ست".