لبلبة: بسيب نفسي مع عادل إمام.. ولم يتقبل أحد الزواج مني بسبب أحضانه (فيديو)
تحدثت الفنانة الكبيرة لبلبة عن العديد من الأسرار حول حياتها الفنية وبدايتها في التمثيل، كما كشفت كواليس زواجها مرة واحدة ورفضها خوض التجربة مرة أخرى، وعلاقتها بالزعيم عادل إمام، وغيرها من الأسرار، وذلك خلال لقائها في برنامج "باب الخلق" تقديم الإعلامي محمود سعد.
وتحدثت الفنانة لبلبة عن أكثر من أثروا فيها خلال مسيرتها الفنية، لافتة إلى أن عادل إمام من أكثر الفنانين الذين عملت معهم خلال مشوارها الفني وأثروا فيها بشكل كبير، مضيفة: "شخصية لازم تحبها وتاخد قلبك، ولما بشتغل معاه بسيب نفسي، لإن هو واخد باله من كل حاجة، وبعدين فهمته، عرفت امتى أتكلم، وبيكون عيني على عينه وبقه لاني بحس من عينه إن الشوط مش هيخلص كده هو ناوي يعمل حاجة فمينفعش اتكلم وأبوظله إفيه".
وأضافت خلال لقائها على فضائية "النهار"، "اتعودت ماضحكش أمام عادل إمام بالرغم من إني عندي كريزة ضحك، مضيفة: "الناس حبونا مع بعض، وأنا بحبه أوي ومعاه بحس بنجاحي، ونجحت معاه واستفدت كتير من جماهيرته، بحس بيه اوي حتى كنت بسمع صوت جزمته وهو داخل".
وعن زواجها مرة واحدة أوضحت: "بعد انفصالي اديت كل روحي للفن، مشغولة بالفيلم ده والدور ده وايه اللي هيجي بعد كده كان ممكن يكون فيه جواز تاني وتالت، وبالرغم إن اتنين حبوني وكانوا عاوزين يتجوزوني ولكن رفضوا الفن، وقالوا: إزاي تتصور وتخلي عادل إمام يحضنها، قلت لا لازم يتذوقوا الفن، وأنا بالرغم إن أخوتي مش فنانين لكن بيتذوقوا الفن".
اقرأ أيضًا: ظهور أبناء الهضبة على المسرح.. مفاجأة عمرو دياب لجمهوره في دبي
وتابعت: "كان في واحد فيهم حبيته لكن قررت أنه زي القطر، قطر رايح وقطر جاي، وكل واحد على سكته، تمنيت له السعادة وقلت له يا ريت تروح تعمل أسرة لأني بحب الفن"، مضيفة: "الفن يسرق عمرك بس متحسش وتبقى مبسوط، وأنا مبسوطة وعمري ما ندمت".
