سماح أنور تثير الجدل برأيها عن الحجاب: ”ربنا خلق شعري أغطيه ليه” (فيديو)
أصبح اسم الفنانة سماح أنور في صدارة قائمة محركات البحث ومواقع التواصل الاجتماعي بعدما أثارت جدلًا كبيرًا بتصريحاتها حول الحجاب حتى أنها تعرضت لهجومًا حادًا من قبل الجمهور، وذلك خلال استضافتها أمس في برنامج "لحظات جريئة" والذي يقدمه الإعلامي أحمد سالم، على فضائية "القاهرة والناس".
سماح أنور تكشف عن سبب رفضها لارتداء الحجاب
وخلال حلقة البرنامج سألها المذيع عن السبب خلف عدم ارتدائها للحجاب، قالت مستنكرة:"أغطي شعري ليه ونبي علشان خاطري يعني؟، ليرد عليها المذيع بقوله: "المفروض إنه فرض وأغلب الأئمة اجمعوا على كده"، لتقاطعه بقولها: "أنا بتكلم على ربنا والقرآن"، ليرد عليها بآية من القرآن من سورة النور التي تقول :"وَلْيَضْرِبْنَ بِخُمُرِهِنَّ عَلَى جُيُوبِهِنَّ".
لترد سماح أنور مستنكرة: "مين اللي فسر ده"؟ ليجيها المذيع، "الشيوخ"، لتقول: "الشيوخ بني آدمين طب ما أنا بني آدم وفسرته بحاجة تانية، إن ربنا خلق لي شعري هل شعري المشكلة ولا عورتي المشكلة؟".
واستكملت حديثها قائلة: "طب ما أنا بشوف محجبات كتيرة في الشارع لابسين استرتش، هل ده يرضي ربنا؟ أنا مابشتغلش في الدين عشان أتكلم فيه، أنا لو حطيت حاجة على دماغي بتخنق، ماليش علاقة بإنه فرض ولا مش فرض أنا مش متخصصة في الدين".
وتابعت: "أنا بني آدم عادي لو حطيت حاجة على دماغي بتخنق، أنا بني آدم هموت لوحدي وهتحاسب لوحدي زي خلق ربنا ماتقوليش أعمل إيه، أنت بلغتني المعلومة متشكرة خد قهوتك واتكل على الله، أنا بقا سيبني مع اللي خلقني كده زي الفل، العظيم ده".
وتابعت: "في ناس منعت الضحك، طب كان ربنا خلق الضحك ليه؟، أنا مابحبش اللي يخوفني من ربنا ربنا يتحب بس، اللي بيخوفني من ربنا يبقى هو اللي مايعرفش ربنا".
رأيها في الزواج
وفي حلقة سابقة تحدثت سماح أنور أيضًا عن رأيها في الزواج، موضحة أنها ليست مقتنعة بمشروع الزواج، مشيرة إلى الرجل لا يستطيع العيش بدون زواج، على عكس النساء اللاتي يمكنهن استكمال حياتهن بدون شريك.
اقرأ أيضًا: شاهد.. خناقة غادة عادل ونور أمام نوال الزغبي في ”خمس نجوم”
وأضافت "سماح"، خلال حوارها: "عمري ما لقيت دعاية إيجابية له، ودايما بيكون في دعاية سلبية له من جانب كل المتزوجين، يبقى إيه الممتع في الإقدام على تجربة الزواج ما دام كل الناس بتبكي منه"، مضيفة: "مبسوطة إني سنجل، بصحى وبنام براحتي".
