«الضنا مبقاش غالي».. أم تعرض طفلها الرضيع للتبني.. وموجة غضب منها على «فيسبوك»
حالة من الغضب تسيطر على رواد التواصل الاجتماعي، بعد أن عرضت أم طفلها للتبني عبر الفيس بوك؛ بسبب معاناتها مع زوجها المدمن للمخدرات، تتعرض إلى الإساءة من رواد التواصل الاجتماعي، إذ يزداد عدد الانتقادات الموجهة لها لجحود قلبها وسهولة التخلي عن طفلها الرضيع التي لا يتجاوز عمره عامين.
"الطريق" ترصد حالة الغضب المسيطرة على رواد التواصل الاجتماعي بسبب الأم التي عرضت طفلها الرضيع للتبني علي الفيس بوك.
جالك قلب إزاي
من جانبها، علقت إحدى رواد التواصل الاجتماعي على المنشور الخاص بالسيدة التي تعرض ابنها عبر صفحته الرسمية "فيسبوك" :"هو الكلام اللي انا شايفة دا بجد لا حول ولا قوة الا بالله ..جالك قلب إزاي هو مش ابنك".
اقرأ أيضًا: أبوه مدمن وهيطلع مجرم .. «الطريق» تحاور سيدة عرضت طفلها للتبني على فيسبوك
ربنا المنتقم ذنب الطفل إي؟
كما عبرت قائلة: "الست ديه كانت طلعة بث مباشر بت بتشتكي من جوزها أنه خاطف ابنها عندها مشاكل بس ذنب الطفل إي؟".
وأضافت: ""بعد ما ابنك رجع طلعتي بث مباشر وكنتي طائره من الفرحة دلوقتي مكملش معاكي شهرين تلاته وعايزه ترمي أو حد يتبنى، ابنك بقي عبء عليكي دلوقتي ..يا شيخة ربنا ينتقم منك"
سلمي البوليس أو للملجاه
تعجبت أخرى من تصرف الأم الغير مسؤولة عن طفلها قائلة: "دا اللي هو ازاي عايزه افهم بس هو دا ابنك طيب ازاي هتسبي لحد.. و لو مش ابنك في ملجأ أو سلمي البوليس يوصلوا لأهله".
القيامة هتقوم ولا ايه
وفي السياق ذاته، علقت سيدة: "هو دا بجد..حرام عليكي بجد انا مش مصدقه اني بيحصل كدا القيامة قربت تقوم ولا ايه".
واستكملت: "لو الكلام دا حقيقي أنا هبلغ عنك حقوق الطفل عشان يأخذوا منك وتعرفي قيمه الضنا".
