هند سعيد صالح تكشف تفاصيل مكالمة الزعيم.. «حسيت إني بكلم بابا»
كشفت هند ابنة النجم الراحل سعيد صالح، تفاصيل مكالمة التي تلقتها من الزعيم عادل إمام، وذلك من خلال مداخلة هاتفية في برنامج "التاسعة" الذي يقدمه الإعلامي يوسف الحسيني عبر شاشة التلفزيون المصري.
وقالت هند: "فيه ناس كتير فهمت إن ده حدث بالنسبة ليا عظيم.. ولكن عادل إمام في حياتي طول عمري.. مستنية أشوف بابا في حلم.. عاوزة بابا دلوقتي.. ودا اللي فرحني بمكالمته.. لما ألاقي مناسبة زي دي من غير مناسبة".
وتابعت: "فرحتي كانت إنها مكالمة من غير مناسبة من غير عيد أو ذكراه.. مفيش مناسبة للمكالمة.. حسيت إني بكلم بابا.. سعيد صالح هو اللي كان بيكلمني مش عادل إمام".
وأضافت:" أنا على اتصال بياسمين على طول فبرد على أساس إن صحبتي بتكلمني.. والموضوع بعيد كل البعد عن حدث تاني هيحصل.. قالتالي إنتي نايمة؟ فقولتلها لأ.. راحت قالتلي خدي كلمي".
وأشارت:" أول ما سمعت صوته قومت اتنفضت.. سأل عليا وعلى جوزي وأولادي...روقالي عاوز أشوفك أنا قاعد في البيت ونفسي أشوفك.. أنا فرحت بالمكالمة وكنت محتاجة طبطبة مش أي حاجة تانية.. وبما أن بابا مش موجود فأنا حسيت إن ربنا ساعدني بمكالمة عادل إمام".
اقرأ أيضًا: تفاصيل فيلم محمد رمضان الجديد «نمبر وان»
