«يضعون القبلات في الأعمال لزيادة المشاهدات».. أبرز تصريحات شريف سلامة

حل الفنان شريف سلامة ضيف الإعلامية لميس الحديدي مؤخرًا ببرنامجها كلمة أخيرة المذاع عبر شاشة قناة «on» الفضائية، وتحدث عن الكثير من الأسرار وكواليس مشاركته في مسلسل فاتن أمل حربي.

وقال شريف سلامة: "كل الستات شتمتني في فيديوهات ورسائل صوتية.. ومبحبش اتفرج على مسلسل فاتن أمل حربي جنب زوجتي داليا مصطفى.. وأنا شخص خجول وبتجرأ لما اتحول لشخص تاني".

وأضاف: "دور سيف الدندراوي تعبني نفسيا.. قعدت 7 سنين في الكلية وكنت بسقط بمزاجي وداليا سقطت نفسها عشاني.. اشتغلت ممثل بالصدفة ومكنتش حابب أكون ممثل ولا أفضل الشهرة".

واستكمل كلامه: "كنت حابب اشتغل مع الحيوانات.. ومدحت العدل هو اللي خلاني أمثل.. إن راجل يضرب ست دا شخص ضعيف وجبان.. وممكن أحضن ممثلة في أعمالي لكن أبوس لا.. ويفضل إن ميكونش فيه تلامس في الأعمال الفنية طالما مفيش شئ يستدعي ده".

اقرأ أيضًا: غدًا.. انطلاق عرض مسرحية ”سلام مربع” بالسعودية - صور

وقال الفنان شريف سلامة في حواره أيضًا: "سيف الدندراوي بيصعب عليا عشان طيب.. بس أوعوا تكونو شبهه.. و مشاهد القبلات بيحطوها في الأعمال الفنية عشان يزودوا المشاهدات".