آخر تطورات الحالة الصحية للفنانة حنان ترك
حرصت الفنانة على المعتزلة حنان ترك، على طمأنة جمهور على حالتها الصحية بعد تعرضها لوعكه صحية الفترة الأخيرة.
وقالت حنان ترك، عبر حسابها الشخصي على موقع الصور والفيديوهات الشهير "انستجرام": "صباح الخير أنا أسفة ناس كتير أوي أوي اتصلت بيا وأطمنت عليا، وواضح أن انا كان شكلي في اللايف كان مجهد جدًا بس أنا عاوزه أطمنكم عليا، أنا كنت تعبانة فعلًا بس أنا أحسن أوي دلوقتي الحمد لله".
أطلت حنان ترك على جمهورها أمس، في ظهور نادر، من خلال فيديو مباشر عبر حسابها الشخصي على موقع التواصل الاجتماعي "فيسبوك"، قالت: "أنا عندي برد كان المفروض أطلع من أسبوع فات ومحبتش أتاخر عليكوا واستحلمونى واستحملوا صوتي، عاوزة أشكركم وأشكر أسرتي اللي وقفت جانبي وقت مرضي وكل أصدقائي اللي بيسألوا عليا ودكتور أشرف زكي كان بيكلمنى وبيطمن عليا، وبشكر الجمهور اللى بدعواته الحمد لله بقيت أحسن بكتير وكويسة جدا، ومش عارفة أشكركوا على ايه ولا ايه وسعيدة انى معاكم وانتوا وحشتونى جدا".
وتابعت حنان ترك: "عوزاكم تساعدوني على أي حد بيتكلم باسمي، أنتم اللى تقفوا لأنكوا عارفين حنان ممكن تقول ايه ومتقولش ايه".
وتابعت: "لأن كان في صفحات كتير باسمي بيتكلموا باسمي في الدين وفي السياسة، وأنا مليش علاقة بها وعمر ما أنزل بوستات بالشكل ده، أولا سياسيا أنا جاهلة جدا، ومعنديش وعي سياسي أني اعرف أقول اعملوا حاجة او متعملوش ومعنديش الثقافة اللى تخليني أنظر سياسياً، أما بالنسبة للدين، قلتها زمان وهاقولها تاني".
وأضافت "ترك": " أنا درست علوم شرعية على سبيل النجاة وليس على سبيل الدعاة، والدعوى دى موضوع كبير جدا ومحتاج علم وفقه مش أي حد يقدر يعملها، أنا فين والكلام الكبير ده فين، أى حاجة نزلت على لساني ويقولوا حنان قالت فتوى وإن ربنا غضبان على فلان، أنا مليش علاقة خالص، أنا لا بحرم ولا بحلل ولا الكلام ده له أي علاقة بيا، وأنا مقدرش افتى في دين ربنا، وده له ناسه".
وكشفت حنان ترك أنها ستقاضي كل من نشر تصريح باسمها لأنه سبب لها العديد من المشاكل، موضحة: "نصيحة لكل الناس، لما تحب تاخد نصيحة خدها من أهل العلم والناس المسؤولين عن الفتوى ومصرح لهم بها".
وأكملت حنان ترك: "صعب عليا نفسي لما لقيت اصحابي وحبايبي اللي عرفوني كويس زعلوا مني، بسبب حاجات انا ماليش علاقة بيها وعمري ما قولتها، وقولت معقولة نسيوني للدرجة دي، بصراحة خدت على خاطري، يعني ممكن يفتكروا أني أقول الكلام دا، بس الحمدلله ربنا أنصفني وعرفت أوثق الصفحة بتاعتي".
اقرأ أيضا: تعليق صادم من لميس الحديدي على واقعة شيرين عبد الوهاب وحسام حبيب
وعدت حنان في نهاية الفيديو محبيها بالظهور لهم من جديد من خلال صفحتها وقناتها عبر موقع "يوتيوب" للحديث معهم والاطمئنان عليها.
