الفن

سمية الخشاب لـ طلاب الثانوية العامة: «مفيش حاجة اسمها كليات قمة صحتكم بالدنيا»

الخميس، 9 يونيو 2022 06:24 مـ بتوقيت القاهرة

وجهت النجمة سمية الخشاب، عدة نصائح لمتابعيها من طلاب الثانوية العامة، وذلك بمناسبة اقتراب موعد الامتحانات، مطالبة إياهم بعدم الضغط على أنفسهم وعدم استجابتهم للمشاعر السلبية، من أجل مسمى راسخ يدعى «كليات القمة».

وشاركت الفنانة سمية الخشاب، مع جمهورها عدة منشورات لها، عبر موقع «تويتر»، تساعد بها طلاب مرحلة الثانوية العامة، وتخفف عنهم من حالات التوتر والضغط النفسي، بسبب الامتحانات، موضحة أن الثانوية العامة ليست نهاية العالم.

وأعربت الفنانة سمية الخشاب، في مجموعة تغريدات لها عبر حسابها الشخصي على موقع التواصل الاجتماعي «تويتر»، كتبت: «حبايبي اللي في الثانوية عامة، محدش يجي على نفسه خالص صحتكم بالدنيا، ومش نهاية العالم، ومتخلوش أي حد يؤثر بالسلب عليكم وتقدروا تثبتوا نفسكوا في أي مجال أو كلية مش شرط المسمى القديم بتاع كليات القمة ده مفيش قمة.. اللي هيشتغل ويحب اللي بيعمله هيبقى في القمة».

وأضافت سمية الخشاب، في تغريدة أخرى: «اعملوا بس اللي عليكم، وبلاش مقارنات خالص.. كل إنسان له مجاله اللي هيقدر يبدع فيه.. بلاش كلنا نتارجت حاجة معندناش شغف ليها، وبالتالي نعيش تعبانين باقي حياتنا».

كما وجهت سمية الخشاب، نصيحة خاصة لطلاب كلية الهندسة، وأعربت في تغريدة عبر حسابها الخاص على موقع «تويتر»، وكتبت: «وبالنسبة لحبايبي اللي فهندسه انا مش ملمه بهندسه اوي بس ذاكروا ماشيينز كويس عشان عارفه انها اصعب من كلمه بشمهندس».