حلمي عبد الباقي: حسن شاكوش حصل على كارنيه النقابة دون موافقة المجلس - فيديو
كشف عضو مجلس نقابة المهن الموسيقية المطرب حلمي عبدالباقي، عن كواليس إعطاء حسن شاكوش كارنية النقابة، وذلك من خلال مقطع فيديو نشره على حسابه الشخصي، بموقع تبادل التواصل الاجتماعي فيسبوك.
وقال حلمي، خلال مقطع الفيديو: فكرت كتير أقدم استقالتي لأني تعبت، كنت بتعب كتير وبزعل كتير.. لكن والله بحق هذا المصحف كل اللي كان بيخليني أتنازل وأرجع في كلامي إني بقول هل اللي بعدي هيقدر يعمل أكتر من كده في لجنة الخدمات؟ أشك في كده، أنا راضي تماما عن اللي عملته وأنجزته بفضل ربنا ودعاكم، بذلت قصارى جهدي لأخدم الجميع.
وتابع: بالنسبة لموضوع حسن شاكوش.. هو قدّم التماس.. وتناقشنا في المجلس.. وأجلنا اتخاذ القرار.. وأقسم على كتاب الله مجددا.. قيل لي إن في بيان مكتوب من الشؤون القانونية إنه مفيش حرمان لأي حد مدى الحياة من شغله وأكل عيشه.. وعلى هذا مضيت.. ومضى تقريبا كل المجلس.. على هذا الأساس فقط.
https://www.facebook.com/helmy.abdelbaky.10/videos/1616764882040155/
وأضاف: وأكدنا أنه حال البت في موضوع رجوع حسن شاكوش فلازم يتعرض على المجلس.. أنا بقولكم الحقيقة ومسئول عن كل حرف بقوله.. ولو حصل غير كده حد يطلع يكذبني.. وأنا مستعد حالا أقدم استقالتي.. بعدها بفتح السوشيال ميديا لقيت الأخ شاكوش ماسك الكارنيه وبيقول إنه أخد التصريح.. مين بقى إداله الكارنيه من غير الرجوع للمجلس الله أعلم.. والله العظيم ما قولته هو الحقيقة.. أنا مش ضد حد.. لكن كان لازم الموضوع يتم بشكل قانوني.
