إلغاء القايمة.. فتيات عن المشاركة في مصاريف الزواج: «إحنا مش في حرب»

حالة من الجدل سيطرت على جميع مواقع التواصل الاجتماعي في الآونة الأخيرة، بعد تداول إلغاء قائمة المنقولات الزوجية، وأن يكون الرجل هو المسؤول عن تجهيز المنزل من كافة الجوانب، معتمدين مقولة: "البنت هتيجي بشنطة هدومها"، الأمر الذي ازدادت حوله الكثير من علامات التعجب، فقد رفض البعض هذه الفكرة واعترض على إمكانية تطبيقها واعتبرها إهدار لحقوق المرأة، والآخر وافق على تنفيذها لتخفيف الأعباء عن العروس وأهلها.

ولكن ما زال السؤال يطرح نفسه في هذا الأمر ، في حالة إلغاء قائمة المنقولات الزوجية، هل ستساهم الفتاة مع الرجل في مصاريف الزواج لبناء بيت الزوجية؟.

وعبرت العديد من الفتيات حول إلغاء قائمة منقولات الزوجية ويرصد "الطريق" خلال التقرير التالي، ردهم على سؤال هل سيشاركن في مصروفات الزواج؟، والتي جاءت كالتالي:-

مش هدفع حاجة في البيت

قالت نورا العجمي فتاة مقبلة على خطوة الزواج: "الست زي الراجل بالظبط.. بس مش معنى كده إنه يستغلني.. ولو القايمة سقطت مش هدفع حاجة في البيت".

وتابعت رنا هيبة طبيبة بيطرية: "القايمة مينفعش تتلغي دي حاجة تضمن حق الزوجة بعد الجواز.. والدنيا بعد الجواز بتتغير ويتقلب حالها".

المساهمة والمودة والرحمة أبقى من القايمة

ومن جانبها أوضحت"نيرة.أ": "مجرد إنك انتي لزوجك على نفسك يبقى مفيش لازمة لأي حاجة بعد كده.. إحنا مش داخلين حرب دي حياة زوجية ومفيش مانع من المساهمة في الزواج حتى لو مفيش قايمة".

وأكدت"سهيله.م": "الأخلاق والتربية هما المتحكم الاساسي في الوقت ده.. لو القائمة سقطت فعلا من الطبيعي إني اشارك في مصاريف الزواج.. ولو فكرنا فيها بشكل سلبي يبقا بلاش متجوز أحسن".

وعلقت منة السيد: "مش القائمة إلى تخليني اسيل شخص انا بحبه ورسمت حياتي معاه.. ولو الظروف مقصره معاه خسارة في مصاريف الزوجية".

وواصلت وفاء صبحي: "ربنا أمرنا إننا يكون بينا مودة ورحمة ولين في المعاملة ودي الحاجة الباقية.. مش هنسيب ده كله ونشوف القايمة على مين".

اقرأ أيضًا.. نهاد أبو القمصان عن إلغاء قائمة المنقولات: «دي سرقة ولازم إيصال أمانة»