قاطعوها.. رواد السوشيال ميديا يشنون هجومًا على شركة WE
في الساعات الماضية، أثار رواد السوشيال ميديا ضجة كبيرة على موقع التدوينات القصيرة "تويتر"، حول شركة "we"، ووجه المواطنين للشركة الاتهامات ب"النصب" والاستيلاء على أموال العملاء من خلال انقطاع النت وطلب تسديد الاشتراك لعودة الخدمة مرة أخرى في الشهر الواحد أكثر من مرة، وهو ما دفع رواد السوشيال ميديا للهجوم على الشركة على مواقع التواصل، وتدشين حملة بهشتاج "هنسلفكم شركة we، لمقاطعة الشركة".
وانهالت تعليقات المواطنين، حيث علق أبو معاز أحد رواد تويتر: "أنا مش عارف الناس ساكتة ليه بتشحن مرتين وثلاثة في الشهر لازم كلنا نقف مع بعض أيد واحدة.. ادعم الحملة كل يوم مش هتاخد من وقتك".
وعلق آخر على هاشتاج هنسلفكم شركة we: "انا عارف إن الصورة دي ممكن اترفد من الشغل بسببها بس الواحد بيبقى مقهور لما أوزع انترنت لسنغافورا وماليزيا ودول تاني كتير وأرجع البيت مباقش عارف أتفرج على فيلم"، وكتبت فاطمة: "مفيش حاجة اسمها النت خلص ومفيش حاجة اسمها تقلل الجودة علشان الباقة تكمل لآخر الشهر.. ومفيش حاجة اسمها اشحن النت ٤ مرات في الشهر.. والحل ننزل ونلغي التعاقد.. أو مش نجدد الباقة بعد ما تخلص.. العالم بيتطور وكل حاجة بقت بالنت وإحنا لحد دلوقتي بنحدد الباقة".
اقرأ أيضا: تحذير للملايين من مستخدمي «فيس بوك».. خطر خفي عليك الاحتراس منه
وكتب عصام عادل أحد رواد تويتر: "باقتي استهلكت 70% وهي بتجدد يوم 15 يعني محتاج أجدد تاني يعني في الشهر بدفع 500 علشان اشتغل وميخلصش النت عندي تخيلوا معظم ناس بتعمل كدا.. ومستخسرين فينا نت غير محدود حاجة غريبة".
وكتب رامي خميس: "مقاطعة الشركة المصرية للاتصالات علشان الشركة لا تحترم عملاء ومتحلوش مشاكل سواء خدمه العملاء السوشيال ميديا اوكول سنتر وإدارات فنيه وتعملوا اكتر من شكوي وطلب غلط وتجاهل طبعا ورفض اصلاح خدمه ونقل الي كبينه جديده بشكل متعمد ورفض إعطاء عروض وتعويض بشكل متعمد لي بعض عملاء وتجاهلهم وسوء ادارات فنيه واداره اعطال وسوء بعض فنين اعطال والشبكات يقولك تم اصلاح ومصلحش مشكلة يتم عمل زيارات يكتب تم ومتمش الزيارة فنيه من اصلوا ومهندسين واداره الشبكات والإدارات الفنية الأخرى في سنترال بي اداره شكاوي تابعه للشركة بالأخص مع سنترال زهور مدينه بورسعيد مع تجاهل وعدم متابعه في حل مشاكل سواء مع ادارات دعم فني أو غير فني".
واستكمل: "وعدم تنفيذ مطالب مستخدمين بي انترنت غير محدود مازال سوء خدمات انترنت مستمر وعدم تغير ريبورت إلى ريبورتات جديدة التي ترفع كفاءة خط مازال مستمر وتجاهل".
