«ليه نازلين فيا جلد؟ ده ربنا بيسامح».. منى فاروق تهاجم منتقديها
لا زالت الفنانة الشابة منى فاروق، تتصدر تريند مواقع السوشيال ميديا ومؤشر البحث العالمي "جوجل"، وذلك بعد تصريحاتها المثيرة التي قالتها خلال بث مباشر أطلقته على حسابها الشخصي، عبر موقع تبادل الصور والفيديوهات إنستجرام.
تصريحات منى فاروق في البث المباشر
«كل البنات بتلبس فساتين صيفي عادي يعني أنا حرة، ليه نازلين فيا جلد ده ربنا بيسامح وبيغفر لعباده الذنوب، إنتوا إيه ملايكة يعني؟ عمومًا أنا أحسن منكم أنا ربنا أنعم عليا بستر جديد، خدوا بالكم رصيد ستركم هيخلص من كتر الأذى والشر اللي بتعملوه فيا، وربنا عقابه شديد».
«استغربت جدًا وكنت مستاءة الحقيقة.. وعموما هذه هي الصورة قولوا لي معلش هو ده قميص نوم؟ هي دي وصلة رقص ساخنة؟».
«مالكومش دعوة بحياتي.. خليكم في حالكم أنا ما بخفش.. واللي بيقولوا عني كلام وحش هتروحوا النار».
«إنتوا بتتكلموا في عرضي ليه؟ خافوا ربنا شوية إنتوا خسارة أقول عليكم بني آدمين، والله إنتوا عديتوا الشر حسبي الله ونعم الوكيل في كل شرير وحاقد وحاسد».
«ربنا موجود وهيعوضني خير وأنا في حماية ربنا».
اقرأ أيضًا: تضامنا مع ميرفت أمين.. رغدة تنشر صورتها دون مكياج: «نعم كبرنا»
منى فاروق تلجأ للحكومة المصرية لحمايتها من المنتقدين
سبق وهددت منى فاروق، منتقديها باللجوء إلى الحكومة المصرية لحمايتها منهم، من خلال فيديو نشرته على حسابها الشخصي، بموقع إنستجرام.
وقالت فاروق، خلال الفيديو: "هاي صباح الخير، أنا عايزة بس أقولكم على حاجة مهمة، أي حد بينقدني أو أي حد بيقول عني أي حاجة غير لائقة أنا هقاضيه، يا لا بقى نعيش مع بعض شوية".
وتابعت: "احنا في بلد بتحترم الناس، احنا في مصر أم الدنيا، لازم يكون فيه احترام، واللي يكتب أبواب جهنم مفتوحالك، مين أنت علشان تحكم عليا إني هدخل جهنم؟ خلاص هتجلدني يعني؟ حطيت نفسك مكان ربنا؟".
وأشارت: "الناس بتقول كانت بتطلع تعيط ودلوقتي عايشة حياتها، إنت مالك برضه، حياتي أنا حرة فيها".
آخر أعمال منى فاروق
يذكر أن آخر أعمال منى فاروق، مسلسل بعنوان "أيام" تدور أحداثه في إطار اجتماعي، بطولة حورية فرغلي، شيري عادل.
