«قال لي هغيرلك ع الجرح».. فتاة تستغيث بعد تعرضها للتحرش داخل مستشفى…فيديو
عرضت فضائية "العربية"، مقطع فيديو منذ قليل، لفتاة تدعى ياسمين متعب، تروي تفاصيل تعرضها لواقعة تحرش داخل مستشفى، مؤكدة أن ممرضا داخل المستشفى قام بالتحرش بها أثناء خضوعها لعملية جراحية.
وقالت الفتاة خلال الفيديو: "أنا كنت تعبانة وعملت عملية ويوم ما خرجت من العمليات اللي بقى مسؤول عنى أو اللي بقا معايا في الغرفة بعد العملية ولد، وبعد العملية بـ 6 ساعات اتحرش بيا، وأنا طلبت من المستشفى أن الولد ده يتغير ويجيبوا بنت قالوا لي ما عندناش بنات".
وتابعت: "قانونا المفروض إن أنا بنت وممنوع يبقى معايا ولد بس أنا طبعا كنت أجهل بحاجة زي دي علشان كان أول مرة في حياتي أدخل مستشفى، وأنا كنت عاملة عملية زايدة فيها غرغارينا".
اقرأ أيضًا:نادين الراسي توجه رسالة شكر لـماجدة الرومي: «ألف تحية لأختنا الحبيبة»
وأكملت: "أنا الحمد الله عرفت أدافع عن نفسي في ساعتها، والموضع عدى بس أنا بعد التحرش ده قلت إن الولد ده ما يدخليش الأوضة تاني والولد دا دخلي بعدها 3 مرات، والكاميرات كانت جايبه إن هو طلع صحبتي اللي كانت معايا في الأوضة وده ممنوع يوم العملية، وكان بيحاول يغيرلى على الجرح يوم العملية وأصلا دا ممنوع".
وأردفت: "أنا مش هسيب حقي خاصة بعد حصول الممرض على براءة"، معقبة: "أنا عايزة أي حد يشوف الفيديو ده يساعدني أخد حقي أنا بجد عايزة حقي".
